रनवे डोळ्यासमोर पण लॅण्डिंग करता येईना, 32,000 फूट उंचावर गिरट्या घातल राहिलं विमान, पुढे जे घडलं...

जवळपास 32 हजार फूट उंचीवर जाऊन विमान गिरट्या घालत राहिली, 15-20 मिनिटांनंतर पुन्हा पायलटने लॅण्डिंगसाठी प्रयत्न केले. यावेळी मनावर जास्त दडपण होतं. मात्र पायलटने यशस्वीरित्या लॅण्डिंग केलं आणि प्रवाशांनी सुटकेचा श्वास सोडला. दरम्यान पहिलं लॅण्डिंग हुकल्याचं कारण आणि या संपूर्ण प्रकरणाची चौकशी करण्याचे आदेश देण्यात आले.

राजधानी जयपूरच्या आंतरराष्ट्रीय विमानतळावर सोमवारी सायंकाळी इंडिगो एअरलाइन्सच्या विमानाने प्रवाशांना थरारक अनुभव दिला. कोलकात्याहून जयपूरकडे येणारी इंडिगो फ्लाइट क्रमांक 6E-394 लँडिंगच्या शेवटच्या क्षणी अचानक अडचणीत आली. त्यामुळे पायलटला पुन्हा टेक-ऑफ करून विमान १५ मिनिटे आकाशात फिरवावे लागले. या विमानात १०० पेक्षा जास्त प्रवासी होते. मात्र पायलटच्या सूज्ञ निर्णयामुळे अखेर दुसऱ्या प्रयत्नात विमान सुरक्षित उतरले.

गेल्या चार दिवसांत जयपूर विमानतळावर ही दुसरी वेळ आहे की फ्लाइटला लँडिंगच्या आधी गो-अराउंड करावे लागले. शनिवारच्या एका उड्डाणालाही हवामान आणि रनवेच्या कारणामुळे असे करावे लागले होते.