इराणच्या मशि‍दीवर लाल रंगाचा झेंडा फडकवला, याचा अर्थ काय? US–Israelला आता कोणीच वाचवू शकत नाही, भयानक शेवट होणार?

मीडिया अहवालांनुसार जमकरान मशिदीला इराणमध्ये मोठे धार्मिक महत्त्व आहे. मशिदीवर लाल झेंडा फडकवणे हे शोक आणि सूडाची शपथ यांचे संकेत मानले जातात. या घडामोडींमुळे आधीच तणावपूर्ण असलेले प्रादेशिक वातावरण आणखी चिघळले आहे.

अहवालांनुसार शनिवारी तेहरानमध्ये झालेल्या हवाई हल्ल्यात खामेनेई यांचा मृत्यू झाला. हा हल्ला अमेरिका आणि इस्रायलच्या संयुक्त कारवाईअंतर्गत करण्यात आल्याचे सांगितले जाते. इराणी सरकारी माध्यमांनी रविवारी त्यांच्या मृत्यूची पुष्टी केली. त्यानंतर देशभरात शोकसभा, निदर्शने आणि विविध राजकीय प्रतिक्रिया उमटताना दिसल्या. भारतासह अनेक देशांतही या घडामोडींवर प्रतिक्रिया व्यक्त करण्यात आल्या आहेत.

या घडामोडींवर प्रतिक्रिया देताना अमेरिकेचे राष्ट्राध्यक्ष डोनाल्ड ट्रम्प यांनी एका निवेदनात म्हटले, इतिहासातील सर्वात वाईट लोकांपैकी एक असलेला खामेनेई मरण पावला आहे. त्यांनी पुढे असेही म्हटले की, इराणी जनतेसाठी आपला देश परत मिळवण्याची ही सर्वात मोठी संधी आहे. इस्रायलचे पंतप्रधान Benjamin Netanyahu यांनीही यावर प्रतिक्रिया देताना म्हटले की, हा जुलमी आता जिवंत नसल्याचे अनेक संकेत आहेत. इराणी जनतेला उद्देशून त्यांनी म्हटले, सरकार उलथवून टाकण्यासाठी आणि आपले भविष्य सुरक्षित करण्यासाठी एकत्र येण्याची हीच वेळ आहे.

अहवाल समोर आल्यानंतर लगेचच तेहरानमधील काही भागांत जल्लोष साजरा करण्यात आला, तर खामेनेई ज्या भागात सहसा वास्तव्यास होते त्या परिसरातून काळ्या धुराचे लोट उठताना दिसले. Israel Defense Forces (आयडीएफ) यांनी खामेनेई यांना ‘इस्रायल देश नष्ट करण्याच्या योजनेचे शिल्पकार’ असे संबोधले आणि मध्यपूर्वेत इराणी प्रभाव वाढवण्याच्या प्रयत्नांचे नेतृत्व त्यांनी केले असल्याचा दावा केला.