World War III:...तर 3 देशांमध्ये होईल महायुद्ध, अमेरिकेला मोजावी लागणार किंमत? SPECIAL REPORT

अमेरिकेच्या पश्चिम आशियातील अॅक्शनमुळे जगभरात खळबळ उडाली आहे. अमेरिकेनं इराणचे सर्वोच्च नेते अयातुल्लाह रुहोल्ला खोमेनी यांची चहुबाजूनं नाकाबंदी करण्यास सुरुवात केली आहे. इराणला अमेरिकेच्या सैन्यानं जणू वेढा घातला आहे. जिब्राल्टरपासून आखातापर्यंत ठिकठिकाणी अमेरिकेनं सैन्य तैनात केलं आहे. त्यामुळे कोणत्याही क्षणी इराणावर लष्करी हल्ला केला जाण्याची शक्यता आहे. पण, असं असलं तरी अयातुल्लाह खोमेनी आपल्या भूमिकेवर ठाम आहेत. तसंच अमेरिकेच्या धमक्यांना जशास तसं उत्तर इराणाकडून दिलं जात आहे. ना त्यांना अमेरिकेचं महाकाय एयरक्राफ्ट कॅरियर USS अब्राहम लिंकनची भिती वाटतेय.. ना त्यांना USS गेराल्ड आर. फोर्डची तमा आहे.

इराणकडून दिल्या जाणाऱ्या वक्तव्यातून एक गोष्ट स्पष्ट झाली आणि ती म्हणजे अयातुल्लाह खोमेनी यांनी ही खास रणनीती आखली आहे. पण संरक्षण तज्ज्ञांच्या म्हणण्यानुसार, ही खोमेनी यांची सर्वात मोठी चूक ठरणार आहे.

- इराणनं आपल्या क्षेपणास्त्रांची रेंज कमी करावी

- तसंच इराणनं शेजरी देशातील दहशतवादी संघटांना मदत थांबवावी

या अटी शर्ती अमेरिकेनं घातल्या आहे. पण या अटी मान्य करणं म्हणजे इराणनं अमेरिकेसमोर एक प्रकारे शरणागती पत्करण्या सारखं ठरणार आहे. इराणनं अण्वस्त्र निर्मिती प्रकल्प रोखावा, असं अमेरिकेला वाटतंय. आपल्या क्षेपणास्त्रांची रेंज कमी करावी पण हिच इराणची खरी ताकद आहे. या अटी शर्ती इराणसाठी आत्मघातकी ठरणार आहेत. इराणनं अमेरिकेच्या अटी शर्ती मान्य केल्यास इराण सरकारचा पाया ढासळणार हे खोमेनी पुरते जाणून आहेत. त्यासाठी मर्यादीत युद्ध पत्करण्याची इरणाची तयारी आहे. ही खोमेनींच्या अस्तित्वाची लढाई आहे.

अमेरिका आणि इराण दरम्यानच्या तनावामुळे पश्चिम आशियातील परिस्थिती स्फोटक बनली आहे. दोन्ही देशांनी सामंजस्याची भूमिका न घेतल्यास युद्धाचा भडका उडण्याची शक्यता आहे. आणि त्याचे परिणाम संपूर्ण जगाला भोगावे लागणार आहे.