Israel Iran Conflict: इस्रायल-इराण संघर्षात चीनची एन्ट्री, तेहरानमध्ये चिनी विमानं दाखल, अमेरिकेला चॅलेंज!

इस्रायल आणि इराणमधील युद्धात आता चीनने उडी घेतली आहे. खरं तर, तेहरानमध्ये चिनी मालवाहू विमान उतरल्याच्या बातमी समोर आली आहे. समोर आलेल्या वृत्तानुसार, या मालवाहू विमानाने रडारवर पकडले जाऊ नये म्हणून त्याचे ट्रान्सपॉन्डर बंद केले होते. चीनने या मालवाहू विमानाच्या माध्यमातून मोठ्या प्रमाणावर शस्त्रांचा पुरवठा केल्याचा अंदाज व्यक्त केला जात आहे.

ट्रान्सपॉन्डर बंद असताना चिनी मालवाहू विमान तेहरानमध्ये उतरवणे ही एक गुप्त कारवाई असल्याचे संकेत आहे, अशी चर्चा आहे. चीन आणि इराणमधील धोरणात्मक भागीदारी आणि लष्करी सहकार्याचा इतिहास पाहता, असे मानले जाते की त्यात लष्करी उपकरणे किंवा बंदी घातलेल्या वस्तू असू शकतात.

इस्रायल आणि इराणमधील सुरू असलेल्या या संघर्षात चीनने आधीच इराणची बाजू घेतली आहे. चीनच्या परराष्ट्र मंत्रालयाचे प्रवक्ते लिन जियान यांनी यापूर्वी म्हटले होते की, बीजिंग इस्रायलच्या इराणवरील हल्ल्यांवर बारकाईने लक्ष ठेवून आहे आणि इराणच्या सार्वभौमत्वाचे, सुरक्षिततेचे आणि प्रादेशिक अखंडतेचे उल्लंघन करणाऱ्या कृतींना विरोध करत असल्याचे त्यांनी म्हटले.

इस्रायली हल्ल्यांबद्दल चीननेही तीव्र चिंता व्यक्त केली होती. ऑपरेशन रायझिंग लायनचे गंभीर परिणाम होऊ शकतात, असा इशारा चीनने दिला होता. चीनच्या परराष्ट्र मंत्रालयाचे प्रवक्ते लिन जियान यांनी एक्सवरील एका पोस्टमध्ये म्हटले आहे की, "चीन इस्रायलच्या इराणवरील हल्ल्यांवर बारकाईने लक्ष ठेवून आहे आणि या कारवाईच्या संभाव्य गंभीर परिणामांबद्दल त्यांना तीव्र चिंता आहे. चीन इराणच्या सार्वभौमत्वाचे, सुरक्षिततेचे आणि प्रादेशिक अखंडतेचे उल्लंघन करणाऱ्या कृतींना विरोध करतो आणि तणाव वाढवणाऱ्या आणि संघर्ष वाढवणाऱ्या पावलांना विरोध करत असल्याचे त्यांनी म्हटले.