Israel Iran News: युद्ध पेटलं, इस्त्रायलचा इराणवर शक्तीशाली हल्ला, जगाला धडकी भरवणारा VIDEO

इस्रायलचे संरक्षण मंत्री इस्रायल काट्झ यांनी सांगितलं की, हा हल्ला संभाव्य धोक्याला प्रतिसाद म्हणून करण्यात आला आहे. हल्ल्यानंतर, संपूर्ण इस्रायलमध्ये आणीबाणीची स्थिती जाहीर करण्यात आली आहे. कारण सरकारला भीती आहे की, या हल्ल्यानंतर प्रत्युत्तरात इराणही ड्रोन आणि बॅलिस्टिक क्षेपणास्त्रांनी हल्ला करू शकतो. या घटनेनंतर आता इस्रायलमध्ये अनेक ठिकाणी सायरन वाजवले जात आहेत.

इस्रायली मीडिया रिपोर्टनुसार, आतापर्यंत सुमारे ३० इराणी लक्ष्यांवर हल्ला करण्यात आला आहे. यामध्ये इराणचे राष्ट्रपती मसूद पेझेश्कियान यांचे निवासस्थान आणि गुप्तचर मुख्यालय यांचा समावेश आहे. सुरुवातीच्या इस्रायली अहवालांमध्ये असा दावाही करण्यात आला आहे की हल्ल्यादरम्यान इराणी राष्ट्रपतींची हत्या करण्याचा प्रयत्न करण्यात आला होता. तथापि, या प्रकरणाबाबत इराणकडून कोणतेही अधिकृत विधान आलेलं नाही.

इस्रायलने इराणवर केलेल्या हल्ल्यानंतर, मध्य पूर्वेतील परिस्थिती अचानक अत्यंत तणावपूर्ण बनली आहे. शनिवारी सकाळी इस्रायलने दावा केला की, त्यांनी इराणवर आगाऊ हल्ला केला आहे. इस्रायलचे संरक्षण मंत्री इस्रायल काट्झ यांनी सांगितले की ही कारवाई संभाव्य धोक्याच्या प्रत्युत्तरात करण्यात आली आहे. हल्ल्यानंतर, संपूर्ण इस्रायलमध्ये आणीबाणीची स्थिती जाहीर करण्यात आली आहे.