पंतप्रधान नरेंद्र मोदींना एका पाकिस्तानी बहिणीने दिल्या वाढदिवसाच्या शुभेच्छा, जिंकली सर्वांची मनं!

कमर मोहसीन शेख ही महिला कराची येथील एका मुस्लिम कुटुंबातील आहेत. १९८१ मध्ये लग्न झाल्यानंतर ती अहमदाबादला राहायला गेली. कमर शेख पहिल्यांदा पंतप्रधान मोदींना भेटली जेव्हा ते स्वयंसेवक होते, म्हणजेच आरएसएसचा भाग होते. कमरने एका मुलाखतीत सांगितलं की, ती पहिल्यांदा पंतप्रधान मोदींना आरएसएसमध्ये असताना भेटली. इंडिया टुडेच्या वृत्तानुसार, कमर शेख यांनी १९९० मध्ये अहमदाबाद विमानतळावर पंतप्रधान मोदींना गुजरातचे तत्कालीन राज्यपाल स्वरूप सिंग यांच्यासोबत पाहिलं. सिंग यांनी मोदींना सांगितलं की, ते कमर शेखला त्यांची मुलगी मानतात. हे सांगितल्यावर नरेंद्र मोदी म्हणाले की, मग कमर शेख त्यांची बहीण झाली. तेव्हापासून, कमर दरवर्षी पंतप्रधान मोदींना राखी बांधायला विसरत नाही.

१७ सप्टेंबर रोजी  पंतप्रधान मोदींनी मध्य प्रदेशातील धार इथं "स्वस्थ नारी सशक्त परिवार" मोहिमेत भाग घेतला. या दरम्यान, पंतप्रधान मोदींनी ८ वा राष्ट्रीय पोषण महिना, आदी कर्मयोगी अभियान आणि सुमन सखी चॅटबॉट सुरू केला. "स्वस्थ नारी सशक्त परिवार अभियान" अंतर्गत, ७५,००० आरोग्य शिबिरं सुरू करण्यात आली आहेत, जी २ ऑक्टोबरपर्यंत चालतील आणि महिला आणि मुलांच्या पोषण, जागरूकता आणि आरोग्यावर लक्ष केंद्रित करतील. या दरम्यान, पंतप्रधान मोदींनी देशातील माता आणि भगिनींना विशेष प्रार्थना देखील केली. पंतप्रधान मोदींच्या वाढदिवसानिमित्त देशभरातून आणि जगभरातून शुभेच्छांचा वर्षाव सुरू आहे.