मेहुल चोक्सीचा गेम ओव्हर, बेल्जियम कोर्टाची प्रत्यार्पणाला मंजुरी, मुसक्या आवळून भारतात आणणार!

नवी दिल्ली : बेल्जियमच्या न्यायालयाने फरार उद्योगपती मेहुल चोक्सीच्या प्रत्यार्पणाला मान्यता दिली आहे. चोक्सी आणि त्याचा पुतण्या नीरव मोदी हे दोघेही पंजाब नॅशनल बँक (पीएनबी) घोटाळ्याप्रकरणी भारतात हवे आहेत. सूत्रांच्या माहितीनुसार, न्यायालयाने भारताच्या प्रत्यार्पणाच्या विनंतीला मान्यता देत प्राथमिक आदेश जारी केला आहे. बेल्जियममधील अँटवर्प येथील न्यायालयाने हा आदेश मंजूर केला आहे, ज्यामुळे भारताच्या विनंतीवरून त्याची अटक वैध झाली आहे. चोक्सीला भारतात परतण्याच्या दिशेने हा निर्णय एक महत्त्वाचा पाऊल मानला जात आहे.