New Planet Found: पृथ्वीसारख्या ग्रहाचा खळबळजनक शोध, पण तिथे खरंच कोणी राहतो का? नासाचा मोठा दावा

नासाच्या TESS (Transiting Exoplanet Survey Satellite) स्पेस टेलिस्कोपच्या मदतीने संशोधकांनी 35 प्रकाशवर्ष दूर असलेल्या एका अशा ग्रहाचा शोध लावला आहे. जिथे जीवनासाठी योग्य परिस्थिती असण्याची शक्यता आहे. या ग्रहाचं नाव आहे L 98–59 f, जो L 98–59 नावाच्या लाल बुटक्या ताऱ्याभोवती फिरणाऱ्या पाच ग्रहांपैकी एक आहे. पण विशेष म्हणजे याच ग्रहामध्ये जीवनास पोषक स्थिती असू शकते असं मानलं जात आहे.

वैज्ञानिकांच्या मते L 98–59 f ग्रहाला त्याच्या ताऱ्याकडून तितकीच उर्जा मिळते जितकी पृथ्वीला सूर्यापासून मिळते. त्यामुळे हा ग्रह ‘हॅबिटेबल जोन’मध्ये येतो. म्हणजेच तिथे द्रव पाण्याचे अस्तित्व असण्याची शक्यता आहे आणि त्यामुळेच तिथे जीवन अस्तित्वात असण्याची आशा निर्माण होते.

हा ग्रह आपल्याला थेट दिसत नाही. पण ताऱ्याच्या गतीत झालेल्या बदलांद्वारे त्याच्या अस्तित्वाचे पुरावे मिळाले आहेत.

दोन ग्रह – गुरूच्या ज्वालामुखी चंद्र Io सारखे म्हणजे प्रचंड ज्वालामुखी क्रियाशीलता असलेले

चौथा ग्रह – एक ‘जलमय जग’ (Water World) असण्याची शक्यता

ही शोधमोहीम केवळ शास्त्रीय दृष्टिकोनातून महत्त्वाची नाही, तर ती आपल्या ‘एकटे आहोत की नाही?’ या प्रश्नाच्या उत्तराच्या अत्यंत जवळ पोहोचण्याचा प्रयत्न मानली जात आहे. L 98–59 f हा ग्रह कदाचित भविष्यात मानवाच्या ‘दुसऱ्या घराचं स्वप्न’ साकार करण्याच्या दिशेने एक महत्त्वाचं पाऊल ठरू शकतो.