'दोस्त दोस्त ना रहा', मित्र का बनले कट्टर वैरी, ट्रम्प आणि मस्क यांच्यात का बिनसलं?

जिगरी दोस्त म्हणून मस्क आणि ट्रम्प यांची जोडी जगप्रसिद्ध आहे. त्यांच्या नात्यात मिठाचा खडा पडला आहे. दोघंही ट्विटरवर एकमेकांवर जोरदार टीका करत आहेत. ट्रम्प यांनी नुकतीच मस्क यांना एक थेट धमकी दिली आहे. ते म्हणाले की, मस्क यांच्या कंपन्यांचे सर्व सरकारी करार रद्द केले जातील. दुसरीकडे, मस्क यांनीही ट्रम्प यांच्यावर गंभीर आरोप केले आहेत.

एका बिलवरुन या दोघांमध्ये संघर्षाची ठिणगी पडली. ट्रम्प यांच्या कर आणि खर्चाशी संबंधित एका बिलवर मस्क यांनी जोरदार टीका केली. त्यांनी या बिलला "जनतेच्या पैशांची उधळपट्टी" हे लाजिरवाणं असल्याचं म्हटलं होतं. मस्क यांनी 'एक्स'वर एक पोस्ट शेअर करत म्हटले होते की, हे सर्व सहन करण्यापलीकडचे आहे. मस्क यांच्या म्हणण्यानुसार, हे बिल रात्रीच्या वेळी घाईघाईने मंजूर करण्यात आले, जेणेकरून त्यावर जास्त चर्चा होऊ नये.

एलन मस्क यांच्या टीकेनंतर ट्रम्प चांगलेच संतापले. त्यांनी मस्क यांच्या टिकेला उत्तर ट्विट करुन उत्तर दिलं. त्यावरुन या दोघांमध्ये संघर्ष सुरू झाला आणि ट्विट वॉर रंगलं. एलन मस्क यांना या बिलबद्दल आधीच माहिती होतं, त्यावेळी त्यांनी कोणतीही प्रतिक्रिया दिली नाही. मात्र जेव्हा त्यांना समजलं की इलेक्ट्रिक वाहनांवरील सबसिडी कमी केली जात आहे, तेव्हा त्यांच्या कंपन्यांना अब्जावधी डॉलर्सचे नुकसान होईल. याच रागातून ट्रम्प यांनी मस्क यांना धमकी दिली की, ते सर्व सरकारी सबसिडी रद्द केल्या जातील.

ट्रम्प यांच्या आरोपांवर एलॉन मस्क यांनी ट्रम्प यांच्या ट्विटला सडेतोड उत्तर दिलं. ट्रम्प यांनी केलेला दावा खोटा आहे. हे बिल मला एकदाही दाखवण्यात आलं नाही आणि ते रात्रीच्या वेळी इतक्या वेगाने पास करण्यात आलं की काँग्रेसमधील जवळजवळ कोणालाही ते वाचायला मिळालं नाही!" मस्क यांनी पुढे असेही म्हटले की, जर त्यांनी ट्रम्प यांना साथ दिली नसती, तर ट्रम्प निवडणूक हरले असते. ट्रम्प आणि मस्क यांच्यातील या संघर्षामुळे वॉशिंग्टन डीसीच्या राजकारणात मोठी खळबळ उडाली आहे. रिपब्लिकन खासदारही गोंधळलेल्या अवस्थेत आहेत. त्यांना नेमकी कोणाची साथ द्यावी असा प्रश्न पडला आहे. जनतेच्या मनातही याबाबत अनेक प्रश्न निर्माण झाले आहेत. ट्विटरवर सध्या त्यांच्या संघर्षाची चर्चा रंगल्याचं पाहायला मिळालं आहे.