इस्रायल-इराण युद्ध सुरू असताना अमेरिकेत खळबळ, महिला स्पीकरसह पतीची हत्या; सिनेटर हॉफमन यांनाही गोळ्या घातल्या

Fox News ने दिलेल्या माहितीनुसार, आरोपी पोलीस अधिकाऱ्याच्या वेशात असल्याचा संशय आहे. हॉर्टमन या ब्रुकलिन पार्क येथील डेमोक्रॅट पक्षाच्या आमदार असून त्या डिस्ट्रिक्ट 34B चे प्रतिनिधीत्व करत होत्या. तर जॉन हॉफमन, चॅम्पलिन येथील डेमोक्रॅट सिनेटर, सिनेट डिस्ट्रिक्ट 34 चे प्रतिनिधी आहेत. दोघांवर गोळ्या झाडण्यात आल्या. हॉफमन व त्यांच्या पत्नीवर अनेक गोळ्या झाडण्यात आल्या, मात्र त्यांचे प्राण वाचल्याची शक्यता वर्तवली जात आहे.

हॉर्टमन आणि हॉफमन हे दोघेही मिनेसोटा डेमोक्रॅटिक-फार्मर-लेबर पार्टीचे सदस्य होते. हॉर्टमन या 2019 ते 2025 या कालावधीत स्पीकर ऑफ द हाऊस होत्या. तसेच त्या मृत्यूपूर्वी DFL लीडर म्हणून काम करत होत्या, असे Minnesota Legislature Reference Library ने सांगितले.

या घटनेनंतर मिनेसोटामध्ये आपत्कालीन स्थिती घोषित करण्यात आली असून सुरक्षा यंत्रणा अलर्ट झाली आहे. गव्हर्नर वॉल्झ यांनी X वर लिहिले की, मी आज सकाळी चॅम्पलिन आणि ब्रुकलिन पार्कमध्ये झालेल्या टार्गेटेड शूटींगबाबत माहिती घेतली आहे. पुढील पोस्टमध्ये त्यांनी सांगितले, मी राज्य आपत्कालीन ऑपरेशन्स सेंटर सक्रिय केले आहे. स्थानिक पोलीस यंत्रणांना राज्याचे सर्व संसाधन उपलब्ध करून दिले आहेत. परिस्थितीवर बारकाईने लक्ष ठेवले जात आहे.