Secret Affair: 62 वर्षीय सासऱ्याचे 33 वर्षीय सुनेसोबत गुप्त सुट्ट्या,रोमांस; प्रेमप्रसंगाने घेतले घातक वळण, रिसॉर्टवर घडले भयावह नाट्य

डेली स्टारने दिलेल्या वृत्तानुसार मूळचे इंग्लंडचे असलेले 62 वर्षीय मार्क गिबन यांचे त्यांच्या 33 वर्षीय सून जॅस्मिन वाईल्डसोबत प्रेमसंबंध सुरू केले. हे दोघेही आपल्या संबंधित जोडीदारांना सोडून एकत्र आले. ते अनेकदा गुप्तपणे भेटत आणि सुट्ट्यांसाठी बाहेर जात. गिबन यांनी त्यांच्या पत्नीला घटस्फोट दिला, तर जॅस्मिनने त्यांचा मुलगा 34 वर्षीय ॲलेक्स गिबनपासून 2012मध्ये वेगळे राहण्याचा निर्णय घेतला आणि त्यांना दोन मुलेही आहेत.

जुलैमध्ये डिस्ने वर्ल्डजवळील सॉल्टेरा रिसॉर्टमध्ये सुट्टीवर असताना परिस्थितीने गंभीर वळण घेतले. पोलिसांनुसार मार्क आणि जॅस्मिन यांच्यात स्विमिंग पूलजवळ जोरदार वाद झाला जो कथितपणे मार्कच्या मृत्युपत्राबाबत होता. जॅस्मिन नाराज होती कारण त्यांच्या दीर्घकाळ चाललेल्या संबंधांनंतरही तिचे नाव मृत्युपत्रात समाविष्ट केले नव्हते.

जॅस्मिनने जवळच्या दोन महिलांना बोलावून 911 वर फोन करण्यास सांगितले. त्या महिलांनी मध्यस्थी केल्यानंतर गिबनने तिला सोडले. या घटनेनंतर त्याला अटक करण्यात आली आणि त्याच्यावर खुनाचा प्रयत्नाचा आरोप ठेवण्यात आला.

या घटनेनंतर परिस्थिती अधिकच गंभीर झाली. जॅस्मिनचा माजी पती ॲलेक्स जो आधीच आपल्या वडिलांपासून दुरावलेला होता. त्याला गेल्या वर्षी गिबनला गाडीखाली चिरडण्याचा प्रयत्न केल्याबद्दल तुरुंगात पाठवण्यात आले होते. एका कौटुंबिक सूत्राने सांगितले की- ॲलेक्सला त्याच्या वडिलांनी आणि माजी पत्नीने केलेल्या कृत्याबद्दल कळल्यावर खूप धक्का बसला होता.