मित्राच्या लग्नात भेट, नंबरही एक्सचेंज केले, 5 वर्ष चाललं अफेअर, पण कुटुंबीयांनी नकार देताच घेतला मोठा निर्णय

ही प्रेम कहाणी जमुई जिल्ह्यातील सदर पोलीस ठाणे परिसरातील हरेराम आणि निक्कीची आहे. अमरथ येथील रहिवासी हरे राम कुमार आणि मनिअड्डा येथील रहिवासी निक्की कुमारी जवळपास 5 वर्षांपासून एकमेकांशी प्रेम संबंधात होते. हरे राम आपल्या गावातील एका तरुणाच्या वरातीत सहभागी व्हायला गेला होता. या दरम्यान, त्याची भेट निक्कीसोबत झाली. दोघांनी एकमेकांना पाहिल्यावर ते एकमेकांच्या प्रेमात पडले आणि मग त्यांनी सोबतच राहण्याचा निर्णय घेतला.

दरम्यान, लग्न केल्यानंतर या प्रियकर आणि प्रेयसीने एक व्हिडिओही शेअर केला आहे. त्यात त्यांनी म्हटले की, त्या दोघांनीही कुणाच्याही दबावाविना स्वत:च्या मर्जीने लग्न केले आहे. प्रेयसीने सांगितले की, 5 वर्षांपासून आमचा संवाद होत होता. जेव्हापासून आम्ही लग्न केले तेव्हापासून आमच्या कुटुंबीयांपासून आम्हाला जीवे मारण्याची धमकी मिळत आहे. तसेच वेगवेगळ्या प्रकारे सासरच्या लोकांनाही धमकावले जात आहे.