Taj Mahal : ताज महालाचे सुंदर दृश्य दिसते, त्या जागेवर शेतकऱ्याने ठोकला दावा; तिथे पर्यटकांना प्रवेशबंदी

शेतकरी मुन्‍ना लाल यांनी सांगितले की, त्यांच्या वडिलांनी आणि काकांनी या जमिनीवर शेती केली होती. या जमिनीच्या कागदपत्रांवर त्यांचे नावही आहे. मात्र 1976 च्या जमीन अधिग्रहणामुळे ही जमीन त्यांच्या ताब्यातून गेली. 1998 आणि 2020 च्या जिल्हा न्यायालयाच्या कागदपत्रांनुसार, या जमिनीचे मालकी हक्क मुन्‍ना लाल यांच्याच नावावर आहेत. मुन्‍ना लाल म्हणाले, "आमच्या कुटुंबाने ही जमीन वाचवण्यासाठी 40 वर्षे न्यायालयीन लढाई लढली आहे. आमच्याकडे न्यायालयाचे आदेश आणि कायदेशीर कागदपत्रे आहेत. 2020 मध्ये उपविभागीय अधिकाऱ्यांच्या कार्यालयाने आमच्या मालकीची पुष्टी केली, जी महसूल नोंदवहीत देखील नमूद आहे."