Trending:

Jyoti Malhotra : "माझं लग्न पाकिस्तानात लावून द्या", गद्दार ज्योतीचं एजंटसोबतचं चॅट समोर

Published by:Prachi Amale

Last Updated:May 21, 2025 7:24 PM IST

पाकिस्तानात एजंटने ज्योतीची चांगलीच बडदास्त ठेवली होती. तिथून परतल्यानंतर ती सातत्यानं अली हसनशी चॅट करत होती.

इम्पॅक्ट शॉटतुमचा गेटवे लेटेस्ट न्यूज

नवी दिल्ली: एखाद्या सस्पेन्स थ्रीलर चित्रपटाच्या कहाणीसारखंच युट्यूबर ज्योती मल्होत्रा हेरगिरी प्रकरणात दररोज नवनवीन ट्विस्ट अँड टर्न्स येत आहे. ज्योतीचं पाकिस्तानी एजंट अली हसन सोबतचं चॅट समोर आलं. कबुलनाम्यातचं तिनं म्हंटलंय की सोशल मीडिया अॅप्सच्या माध्यमातून ती पाकिस्तानी अधिकारी आणि एजंटशी कायम संपर्कात होती.. तिच्या सोशल मीडिया अकाऊंट्सच्या चाचणीदरम्यान तपास यंत्रणांना ज्योती आणि पाक एजंट अली हसनचं संभाषण सापडलंय. त्यामध्ये तिने माझे लग्न पाकिस्तानात लावून द्या, असे म्हटले आहे.

पाक दूतावासातील दानिशच्या सांगण्यावरून पाकिस्तानमध्ये ज्योती याच अली हसनला भेटली. पाकिस्तानात त्याने ज्योतीची चांगलीच बडदास्त ठेवली होती. तिथून परतल्यानंतर ती सातत्यानं अली हसनशी चॅट करत होती.

समोर आलेल्या चॅटमध्ये नेमकं काय आहे?

ट्रॅव्हल व्लॉगिंगच्या आडून हेरगिरी केल्याचा आरोप असलेल्या यूट्यूबर ज्योती मल्होत्राला अटक करण्यात आली. तिच्या मोबाईलमध्ये महत्त्वाचे चॅट सापडले आहेत. ज्योती मल्होत्रा आणि आयएसआय एजंट अली हसन यांच्यातील हे चॅट असल्याचं सांगण्यात येतं आहे. या चॅटमध्ये अली हसन ज्योतीला म्हणतो, मी तुझ्यासाठी मनापासून दुवा करतो. तू नेहमी आनंदी राहा. तू नेहमी हसत-खेळत राहा. अशा शब्दात त्याने ज्योती बाबत आपल्या मनातील गोष्टी व्यक्त केली आहे. एवढेच नाही तर त्याला ज्योतीने दिलेला रिप्लाय ही तितकाच बोलका आहे. तिच्या चौकशीत आता हे चॅटही उघड झालं आहे.