Kitchen Jugaad Video : घराबाहेर जाताना फ्रिजमध्ये पैसे जरूर ठेवा; फायद्याचा उपाय

फ्रीजमध्ये आपण लवकर खराब होतात अशा वस्तू ठेवतो. यात भाजी, दूध अशा वस्तूंचा समावेश आहे. पण फ्रीजमध्ये पैसे ठेवणंही फायदेशीर आहे. हे एका गृहिणीने दाखवलं आहे. विशेषत: घराबाहेर जाताना तुम्हाला हा उपाय करायचा आहे.

व्हिडिओमध्ये दाखवल्यानुसार तुम्हाला फ्रीजरमध्ये एका वाटीत पाणी भरून ठेवायचं आहे. पाण्याचा बर्फ जमवून घ्यायचा आहे. यात पैशांची नाणी ठेवायची आहेत. आता या नाण्याचा उपयोग काय? तर जेव्हा तुम्ही कुठे बाहेर जाता त्यावेळी लाइट गेली की फ्रीजमधील वस्तू खराब होण्याचा धोका असतो. तुम्ही घरी येईपर्यंत कदाचित लाइट आलेली असते. लाइट गेली होती ते तुम्हाला समजत नाही. सर्व पदार्थ फ्रीजच्या तापमानाला आआलेले असतात. त्यामुळे खराब होऊनही ते समजत नाही.

अश्विनी तुम्ही बाहेरून आल्यावर फ्रीज मधील वाटीतील नाणं पाहा. वाटीतील पाणी वितळून नाणं खाली गेलं असेल तर याचा अर्थ लाइट गेली होती. यामुळे कोणते पदार्थ खराब झाले नाहीत ना हे चेक करून घ्या.

युट्युब चॅनेलवर हा व्हिडीओ पोस्ट करण्यात आला आहे. तुम्ही हा जुगाड करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.

(सूचना - या लेखात दिलेली माहिती सोशल मीडियावरील व्हायरल व्हिडिओवर आधारित आहे. न्यूज18मराठीचा याच्याशी संबंध नाही. न्यूज18मराठी याची हमी देत नाही.)