Kitchen Jugaad Video : चपातीच्या पिठात साबण नक्की टाका; मोठा फायदा

चपाती केल्यानंतर कोरडं पीठ थोडं शिल्लक राहतं. ते आपण पुन्हा डब्यात टाकतो किंवा काही जण फेकून देतात. पण त्याऐवजी तुम्ही त्याचा आणखी एका पद्धतीने वापर करू शकता. या पिठात थोडासा साबण किसून टाका आणि मिक्स करा. तुम्ही यासाठी भांडी, कपडे किंवा अंगाचा साबणही तुम्ही वापरू शकता.

आता हे पीठ तुम्ही भांडी घासण्यासाठी वापरू शकता. विशेषतः अॅल्युमिनिअमची भांडी. अॅल्युमिनिअमची भांडी घासणं म्हणजे खूप मेहनतीचं काम. ही भांडी लवकर काळी पडतात आणि स्वच्छ करण्यातही बराचसा वेळ जातो. पण साबण टाकलेलं गव्हाचं पीठ लावून ही भांडी घासली तर ती अगदी कमी वेळात, फार मेहनत न घेता स्वच्छ होतील आणि चमकू लागतील. पूर्वी साबण नव्हतं. तेव्हा असाचा काही ना काही जुगाड करून भांडी घासली जायची. या पिठात साबण टाकला नाही तरी हरकत नाही.

पुणेरी तडका या युट्यूब चॅनेलवर हा व्हिडीओ पोस्ट करण्यात आला आहे. हा जुगाड तुम्ही नक्की ट्राय करा आणि आम्हाला आमच्या सोशल मीडियाच्या कमेंट बॉक्समध्ये या जुगाडाने काम केलं का ते नक्की सांगा.