मुलींचे फोटो अन् काळ्या बाहुल्या! तरुणींना वश करण्यासाठी Black Magic, पुरोगामी कोल्हापुरात हे काय सुरूये?

कोल्हापूर जिल्ह्यातील भुदरगड तालुक्यात असणाऱ्या आकुर्डी महालवाडी जवळच कुरण नावाचा माळ आहे. या संपूर्ण दहा एकराच्या माळावर केवळ एकच बाभळीचं झाड आहे. या झाडावर तीन मुलींच्या फोटोवर लिंबू दाबडाने टोचलेले आढळले. तसेच झाडावर बाहुल्याही अडकवण्यात आल्या होत्या. एका बाहुलीवर तरुणीचा फोटो होता. तर दुसऱ्या युवतीच्या आई-वडील आणि आजीचे फोटो या झाडाच्या फांद्यावर लटकवलेले होते. हा अघोरी प्रकार अमावस्येच्या मध्यरात्री घडला असल्याचं बोललं जातंय. तसेच या बाहुल्यांबरोबरच तरुणींचे फोटोही झाडाला बांधले होते आणि त्यासोबत दाबणांमध्ये युतीच्या ड्रेसची बटणे देखील काळ्या दोऱ्यामध्ये अडकवलेली आहेत.