प्लास्टिकच्या खुर्च्या झाल्यात काळ्या-मळलेल्या? मग 'या' ट्रिक्सने करा झटपट नवीन

घर किंवा कार्यालयांमध्ये प्लास्टिकच्या खुर्च्या वापरात असलेल्या दिसतात. घरातलं इतर फर्निचर बराच काळ वापरल्यावर जुनाट दिसू लागतं तसंच प्लास्टिकच्या वस्तूंचंही होतं. प्लास्टिकच्या खुर्च्या दीर्घ काळ वापरल्यानंतर खराब दिसू लागतात. रंग उडाल्यामुळं त्या दिवाणखान्यात वापरताही येत नाहीत. खुर्च्या वापरण्यायोग्य असल्या तरी त्या घरात शोभून दिसत नसल्यामुळं एक तर त्या अडगळीच्या खोलीत जातात किंवा त्यांचा वरचेवर वापर बंद होतो आणि मग नकळत घरात नव्यानं खुर्च्यांची खरेदी केली जाते. अशा प्रकारे अडगळीत जाऊ शकणाऱ्या खुर्च्या आपण अगदी सहज नव्यासारख्या करू शकतो.