टायर पंक्चर झालाय? मग धक्का मारण्याची गरज नाही, ‘या’ जुगाडाने गाडीमध्ये भरा हवा, पाहा VIDEO

साधारणपणे बाईकचा टायर पंक्चर झाल्यावर आपण हवा भरण्यासाठी गॅरेजमध्ये जातो. कधीकधी टायरमधील हवा इतकी कमी होते की, गाडी ढकलत न्यावी लागते. अशावेळी, सोशल मीडियावर काही जुगाडांचे व्हिडिओ समोर येतात, जे खूप उपयोगी पडतात. हे उपाय खिशाला परवडणारे आणि कठीण काळात मदतीचे ठरतात.

हा व्हायरल झालेला व्हिडिओमध्ये एक माणूस आपल्या पंक्चर झालेल्या बाईकच्या टायरमध्ये सायलेंसरच्या मदतीने हवा भरताना दिसत आहे. यासाठी तो एक ट्यूब वापरतो. ट्यूबचा एक भाग तो टायरमध्ये आणि दुसरा सायलेंसरमध्ये लावतो. त्यानंतर तो बाईक सुरू करतो. बाईक सुरू केल्यावर सायलेंसरमधून निघणारा धूर टायरमध्ये भरतो. अशाप्रकारे, तो पंक्चर झालेल्या टायरमध्ये हवा भरून गाडी चालवण्यायोग्य बनवतो.