बापरे बाप! समुद्रात हे काय सापडलं, आजवर कधीच पाहिलं नाही; शास्त्रज्ञही थक्क

ग्वाटेमालाच्या किनार्‍यापासून समुद्राच्या तळाशी मॅपिंग करत होते. तेव्हा त्यांना जे दिसलं ते पाहून ते आश्चर्यचकीत झाले. त्यांना एक उंच सागरी पर्वत दिसला. जो 5.4 चौरस मैल परिसरात पसरलेला आहे आणि समुद्रात आहे. ज्याची उंची 5,249 फूट आहे. याचा अर्थ हा सागरी पर्वत धरतीवर सर्वात उंच बिल्डिंगच्याही दुप्पट उंचीचा आहे. जगातील सर्वात उंच बिल्डिंग बुर्ज खलिफ 2,722 फूट उंच आहे.

डेल्मेलच्या अहवालानुसार फाल्कोर संशोधन जहाजावरील 'मल्टी-बीम इकोसाऊंडर'चा वापर करून त्यांनी हा सागरी पर्वत शोधला आहे. श्मिट ओशन इन्स्टिट्यूटचे सह-संस्थापक आणि अध्यक्ष वेंडी श्मिट म्हणाले, "फोकर संशोधन जहाजावरील प्रत्येक मोहिमेदरम्यान नवीन गोष्टी सापडतात, ज्या अनपेक्षित आणि आश्चर्यकारक असतात. हा शोध आपल्याला दाखवतो की आपल्या महासागरांमध्ये अजूनही बरंच काही आहे ज्याबद्दल आपल्याला माहिती नाही, ज्याचा शोध सुरू ठेवण्यासाठी आपण उत्सुक आहोत"

श्मिट ओशन इन्स्टिट्यूटच्या कार्यकारी संचालक डॉ ज्योतिका विरमानी म्हणाल्या, "हा 1.5 किलोमीटरहून अधिक लांबीचा सीमाउंट, जो अजूनही लाटांच्या खाली लपलेला आहे, आपल्याला अजून किती कितीतरी शोधायचं आहे हे दाखवतं"