गावाचं नाव 'लंगोटी', ऐकून हसू आवरणार नाही; पण या नावामागे आहे खूप मोठा इतिहास!

खांडवा येथील रहिवासी सामाजिक कार्यकर्ते लव जोशी यांनी लोकल 18 ला सांगितलं की, आजही हे गाव आपल्या नैसर्गिक जीवनशैलीसाठी, पारंपरिक वैद्यकीय ज्ञानासाठी आणि साधेपणासाठी ओळखलं जातं. इथले आदिवासी जंगलात काम करतात. त्यांना जंगलातील वनस्पतिशास्त्र आणि औषधी वनस्पतींचं सखोल ज्ञान आहे. जर कोणाला दुखापत झाली किंवा ताप-जखमा झाल्या, तर ते स्वतःवर जंगलातच उपचार करून घेतात. गावातील वडीलधारी मंडळी सांगतात की, त्यांच्या पूर्वजांकडे असं खूप ज्ञान होतं, जे आजच्या आधुनिक डॉक्टरांकडेही नाहीये. पारंपरिक ज्ञानाचा हा वारसाच लंगोटी गावाचं खरं भांडवल आहे.

मात्र, हे गाव आता हळूहळू विकासाकडे वाटचाल करत आहे. पंचायत स्तरावर शासकीय योजना आणि सुविधा येत आहेत. वीज, पाणी आणि रस्ते यांसारख्या मूलभूत सुविधा गावात पोहोचू लागल्या आहेत, पण जीवनशैली अजूनही संघर्षपूर्ण आहे. गावातील पुरुष दिवसभर जंगलात किंवा शेतात कठोर परिश्रम करतात, तर महिला घराच्या संसाधनांची जुळवाजुळव, शेती आणि जंगलातील कामांमध्ये व्यस्त असतात. इथल्या महिला खूप मेहनती असून आत्मनिर्भर जीवन जगतात.

लंगोटी गाव त्याच्या नावामुळे लोकांना आश्चर्यचकित करू शकतं, पण हे गाव आपल्याला शिकवतं की साधेपणा, कठोर परिश्रम आणि निसर्गाशी जुळवून घेतलेलं जीवन हीच खरी समृद्धी आहे. नाव कदाचित मजेशीर वाटेल, पण त्या ठिकाणची संस्कृती, परंपरा आणि जीवनशैली खूप गंभीर आणि आदरणीय आहे. खांडवा जिल्ह्यातील खलवा ब्लॉकचं हे अनोखं गाव केवळ त्याच्या नावामुळेच नाही, तर त्याच्या अनोख्या इतिहासामुळे आणि आदिवासी संस्कृतीमुळेही एक विशेष ओळख टिकवून आहे. 'लंगोटी' नाव तुम्हाला हसायला लावेल, पण त्याची मुळं अभिमान, परंपरा आणि संघर्षाची कहाणी सांगतात, जी आजच्या पिढीसाठी प्रेरणास्रोत ठरू शकते.