'या' ठिकाणी चुकूनही जात नाही नवी नवरी; गेलीच तर 'मसाण' लगेच करतो गायब! नेमकं प्रकरण काय? 

एखाद्या ठिकाणी फिरायला गेला असाल, जिथे जंगल आहे आणि सूर्यास्त नदीच्या काठी होत असेल, तर तो नयनरम्य देखावा जवळून पाहण्याची कोणाला इच्छा होणार नाही? पण उत्तराखंडची गोष्ट काही वेगळीच आहे. इथे संध्याकाळी जंगलाजवळ नदीच्या काठी जाण्यास मनाई आहे. असं म्हणतात की, अंधार पडल्यावर इथे नकारात्मक शक्ती फिरू लागतात. उत्तराखंडच्या डोंगरांमध्ये एक प्रकारचा भूत आहे, ज्याला 'मसाण' म्हणतात. मसाण घनदाट जंगलात आणि नद्यांच्या संगमावर राहतो. डोंगरात राहणारे लोक मानतात की, जर तुम्ही नदीकाठी, जंगलाच्या मध्यभागी आणि स्मशानभूमीजवळून गेलात, तर काहीतरी वाईट घटना घडू शकते. जर तुम्ही घाबरलात, तर मसाण तुमच्या मागे लागतो. यानंतर फक्त जागर किंवा कुलदैवतच त्याला दूर करू शकतात.