त्रिकोणी प्रेम! जी महिला 9 वर्षे ज्या पुरुषासोबत राहिली, त्यालाच सोपवलं समलिंग मित्राकडे...

साराने सांगितले की, "ती 9 वर्षांपासून तिच्या प्रियकरासोबत रिलेशनशिपमध्ये होती, पण याच दरम्यान त्यांच्या आयुष्यात एक समलिंगी मित्र आला. परिणामी, ते तिघेही एकाच फ्लॅटमध्ये एकत्र राहू लागले."

शोमध्ये साराने सांगितले की, "तिची जेम्सशी हायस्कूलमध्ये भेट झाली होती. त्यावेळी ते इतर जोडप्यांसारखेच होते, एकत्र मोठे झाले आणि कॉलेजच्या अभ्यासासाठी दूर गेले. त्यानंतर ते दोघे पुन्हा एकत्र आले आणि गेल्या नऊ वर्षांपासून सोबत होते. मात्र, एक वर्षापूर्वी जेव्हा साराचा एक चांगला मित्र हंटर तिच्या आयुष्यात आला तेव्हा सर्व काही बदलले. हंटर समलिंगी होता. एकत्र राहत असताना हंटरला जाणवले की, समलिंगी असूनही तो साराची एका मित्रापेक्षा जास्त काळजी करतो आणि तिलाही जेम्ससोबत हंटरबद्दल भावना निर्माण होऊ लागल्या."

जेम्ससोबत राहत असताना सारा हंटरच्या प्रेमात पडली आणि हंटरलाही सारासोबत जेम्सबद्दलही भावना निर्माण झाल्या. जेम्स सुरुवातीला या व्यवस्थेबद्दल साशंक होता, पण नंतर त्यांनी 'थ्रपल' (Throuple - तीन लोकांचे प्रेमसंबंध) बनवण्याचा निर्णय घेतला.

साराने असेही नमूद केले की, हंटर बाय-रोमँटिक (bi-romantic) आहे, म्हणजेच तो सारावर प्रेम करतो. पण त्याची शारीरिक संबंधाची इच्छा नाही. मात्र, त्यांच्या त्रिकोणीय प्रेमसंबंधाचे सत्य बाहेर आल्यावर कुटुंब आणि मित्र यांच्यासह अनेक लोकांनी त्यांची ऑनलाइन टीका केली. 'लव्ह डोन्ट जज' शोमध्ये सारा म्हणाली, "माझ्या एका मैत्रिणीला वाटले की, मी तिची चेष्टा करत आहे; तिला याचा खूप धक्का बसला."

शोदरम्यान, हंटरने सारावरील आपले प्रेम व्यक्त केले, पण त्याचे आकर्षण पुरुषांमध्ये असल्याचे स्पष्ट केले. जेम्स म्हणाला, "तुम्ही दोघांनी मला एक व्यक्ती म्हणून विकसित होण्यास नक्कीच मदत केली आहे. तुम्ही मला माझ्या कम्फर्ट झोनमधून बाहेर पडण्यास आणि मी कधी विचारही केला नव्हता असे काहीतरी करण्यास मदत केली आहे."

जेम्स आणि हंटरचे बोलणे ऐकून सारा म्हणाली, "तुम्ही दोघे एकमेकांवर आणि माझ्यावर तितकेच प्रेम करता हे जाणून मला खूप आनंद झाला आहे, जितके मी तुमच्यावर करते." जेम्स आणि सारा आता स्वतःला बायसेक्शुअल (bisexual) मानतात.