क्रॉसिंगमध्ये रुळावरच ट्रक अडकला अन् एक्स्प्रेस आली समोरून; लोकं किंचाळली, VIDEO

मिळालेल्या माहितीनुसार, झारखंडमधील जसीडीह आणि मधुपूर रेल्वे स्थानकाच्या दरम्यान ही घटना घडली. गोंडा आसनसोल एक्स्प्रेस जाणार असल्यामुळे क्रॉसिंग लागलं होतं. त्यामुळे दोन्ही बाजूने वाहतूक थांबवण्यात आली होती. पण, असं असतानाही काही दुचाकीस्वार बाइक फाटका खालून घेऊन गेले. याच दरम्यान एक मालवाहू ट्रक पुढे गेला आणि मध्येच अडकला. पुढे वाहनं थांबलेली असल्यामुळे ट्रकचालकाला पुढे जाता आलं नाही.

तितक्याच गोंडा आसनसोल एक्स्प्रेस वेगात आली आणि तिने ट्रकला धडक दिली. ही धडक इतकी भीषण होती की, ट्रक रुळावरून बाजूला फेकला गेला. ट्रकबाजूला फेकला गेल्यामुळे काही दुचाकीस्वार ट्रकखाली सापडले.  या धडकेत एक्स्प्रेसचा इंजिनचंही नुकसान झालं. सुदैवाने या अपघातात कोणतीही जीवितहानी झाली नाही. एक्स्प्रेसचा वेग जास्त नसल्यामुळे मोठा अनर्थ टळला. या अपघातात काही दुचाकीस्वार जखमी झाले आहे. जखमींना तातडीने शासकीय रुग्णालयात दाखल केलं आहे.