Interesting Facts : लहान मुलं थोड्या थोड्या वेळाने डोळे का चोळतात? संशोधकांनी शोधलं नेमकं कारण

लहान मुलांच्या डोळे चोळण्यामागे काय कारण असतं या बाबत शास्त्रज्ञांनी संशोधन केलं. अमेरिकेतील कॅलिफोर्निया विद्यापीठातील सहयोगी प्राध्यापक डॉ. रेबेका डुडोविट्ज यांनी लाइव्ह सायन्सला सांगितलं, की मुलं डोळे का चोळतायत, असं आपण त्यांना विचारू शकत नाही. केवळ ते समजून घेऊ शकतो. मुलं थकली असतील, तर ती डोळे चोळतात. मुलांच्या डोळ्यांच्या स्नायूंमध्ये ताण असला की ती डोळे चोळतात. स्नायूंना विश्रांती देण्यासाठीच ते केलं जातं. संपूर्ण दिवस बैठं काम केल्यावर खांद्यांना मालिश करायची इच्छा होते, तसंच डोळ्यांमधील लक्ष केंद्रीत करण्याचे स्नायू चोळल्यावर त्यांना आराम पडतो.

लहान मुलं असो किंवा प्रौढ व्यक्ती, डोळ्यांना थकवा जाणवत असेल तर तो घालवण्यासाठी झोप गरजेची असते. डोळे चोळणं हा या प्रक्रियेचाच एक भाग असतो.