कृषी हवामान : शेतकऱ्यांवर मोठं संकट! जोरदार वाऱ्यासह पाऊस प्रचंड झोडपणार, 19 जिल्ह्यांना अलर्ट, उपाययोजना काय कराल?

बंगालच्या उपसागरात ओडिशा व आंध्र प्रदेश किनाऱ्यालगत कमी दाबाचे क्षेत्र तयार झाले आहे. चक्राकार वाऱ्यांमुळे ही प्रणाली १५ सप्टेंबरपर्यंत जमिनीवर येण्याची शक्यता आहे. गंगानगरपासून रोहतक, सोहनी, राजनंदगावपर्यंत कमी दाबाचा पट्टा सक्रिय असून तो दक्षिण मध्य महाराष्ट्रापर्यंत पसरलेला आहे. वायव्य अरबी समुद्रात समुद्रसपाटीपासून सुमारे ५.८ किमी उंचीवर चक्राकार वारे सक्रिय आहेत.

आज, १४ सप्टेंबर रोजी रायगड जिल्ह्यात जोरदार पावसाचा ऑरेंज अलर्ट आहे. मुंबई, ठाणे, रत्नागिरी, पुणे घाटमाथा, सातारा घाटमाथा, कोल्हापूर घाटमाथा, सोलापूर, धाराशिव, लातूर, अकोला, अमरावती, नागपूर, भंडारा येथे जोरदार वादळी पावसाची शक्यता असल्याने येलो अलर्ट देण्यात आला आहे. तर नाशिक, अहमदनगर, जळगाव, पुणे, सातारा, कोल्हापूर, छत्रपती संभाजीनगर, जालना, बीड, परभणी, हिंगोली, नांदेड, बुलडाणा, वाशीम, यवतमाळ, चंद्रपूर, गडचिरोली व गोंदिया जिल्ह्यांत विजांसह वादळी पावसाची शक्यता आहे.

सध्याच्या हवामानामुळे सोयाबीन, कापूस यांसारखी खरीप पिके परिपक्वतेच्या अवस्थेत आली आहेत. अचानक आलेल्या पावसामुळे बुरशीजन्य रोग व कीड वाढण्याचा धोका आहे. अशावेळी शेतकऱ्यांनी खालील फवारणी करणे आवश्यक आहे