सोयाबीन दरात पुन्हा मोठी उलथापालथ! बाजारभावात तेजी येणार का? सध्याचे मार्केट काय?

नागपूर बाजार समितीत 26 फेब्रुवारी रोजी लोकल सोयाबीनची 201 क्विंटल आवक झाली. येथे किमान 4,425 रुपये, कमाल 5,200 रुपये आणि सरासरी 5,006 रुपये प्रति क्विंटल दर नोंदवण्यात आला. त्याच बाजारात दुसऱ्या दिवशीही व्यवहार सुरू राहिले असून दरात फारसा बदल जाणवलेला नाही. विदर्भातील अमरावती बाजारात 1,149 क्विंटल आवक असून सरासरी दर 4,880 रुपये राहिला. कारंजा बाजारात 2,250 क्विंटल इतकी मोठी आवक असूनही सरासरी दर 5,050 रुपये मिळाल्याने बाजार मजबूत असल्याचे स्पष्ट होते.

मराठवाड्यातील बाजारांमध्येही सोयाबीनला चांगला प्रतिसाद मिळत आहे. जालना येथे पिवळ्या सोयाबीनची 852 क्विंटल आवक झाली असून सरासरी दर थेट 5,350 रुपये नोंदवण्यात आला. तुळजापूर बाजारात 175 क्विंटल आवक असून येथे एकसारखा 5,151 रुपयांचा दर राहिला. औसा, आंबेजोबाई, मंगरुळपीर आणि नेर परसोपंत या बाजारांतही सरासरी दर 5,100 रुपयांच्या आसपास राहिले आहेत. काही ठिकाणी आवक कमी असल्याने दरात चढ-उतार दिसून आला आहे.

उत्तर महाराष्ट्रातील लासलगाव, विंचूर आणि निफाड परिसरातील बाजार समित्यांमध्ये सोयाबीनचे दर तुलनेने अधिक राहिले. लासलगाव बाजारात 299 क्विंटल आवक असून सरासरी दर 5,219 रुपये मिळाला, तर लासलगाव-विंचूर येथे 186 क्विंटल आवक असून सरासरी दर 5,200 रुपये नोंदवण्यात आला. लासलगाव-निफाड येथे पांढऱ्या सोयाबीनला कमाल 5,351 रुपये आणि सरासरी 5,300 रुपये असा चांगला भाव मिळाला. येवला बाजारात आवक अत्यल्प असली तरी सरासरी दर 5,071 रुपये राहिला.