मुख्यमंत्री फडणवीसांची मोठी घोषणा! गोपीनाथ मुंडे शेतकरी अपघात विमा योजनेचा 'या' लोकांना मिळणार लाभ

राज्याचे दिवंगत उपमुख्यमंत्री अजित यांच्या निधनानंतर मुख्यमंत्री फडणवीस यांनी स्वतः अर्थसंकल्प सादर करण्याची जबाबदारी स्वीकारली. राज्याच्या इतिहासात मुख्यमंत्री पदावर असताना अर्थसंकल्प सादर करणारे ते पहिले मुख्यमंत्री ठरले आहेत. या अर्थसंकल्पात कृषी क्षेत्रासाठी मोठी आर्थिक तरतूद करण्यात आली असून शेतकरी, शेतमजूर आणि ग्रामीण अर्थव्यवस्थेला चालना देणाऱ्या विविध योजनांची घोषणा करण्यात आली आहे.

मत्स्य व्यवसायाला चालना देण्यासाठी ‘मुख्यमंत्री मत्स्यसंपदा योजना’ सुरू केली जाणार आहे. या योजनेत स्थानिक मासळी उत्पादन वाढवणे, मत्स्य बाजारांचे आधुनिकीकरण करणे आणि तलावांचे पुनरुज्जीवन करणे यावर विशेष भर दिला जाणार आहे.

याशिवाय राज्यात नैसर्गिक शेती अभियान सुरू करण्याचा निर्णयही जाहीर करण्यात आला. या माध्यमातून रासायनिक खतांवरील अवलंबित्व कमी करून पर्यावरणपूरक शेतीला चालना देण्याचा सरकारचा प्रयत्न असणार आहे.