Ginger Rate: कधी सोन्याचं मोल, तर कधी मातीमोल! आले उत्पादकांवर संकट, खर्चही निघेना, किती मिळतोय दर?

गेल्या 2-3 वर्षांत अद्रकला चांगले दर मिळत होते. त्यामुळे शेतकऱ्यांनी आले शेती मोठ्या प्रमाणात केली. त्यामुळे सोलापूर मार्केटमध्ये आल्यांची आवक वाढली आहे. परंतु, बाहेर राज्यातून आल्याची मागणी कमी झालीये. त्यामुळे प्रतिक्विंटल 2700 ते 3200 रुपयांपर्यंतच दर मिळत आहे. बाहेर राज्यातील मागणी वाढल्यास पुन्हा अद्रकला चांगला भाव मिळेल. विशेषत: बेंगलोरहून आल्यांना मोठी मागणी असते. तिकडून मागणी वाढली तर सोलापूर बाजारात आल्याला चांगला दर मिळेल, असं व्यापारी बागवान यांनी सांगितले.

सोलापूर कृषी उत्पन्न बाजार समितीतून अद्रक बिहार, उत्तर प्रदेश, गुजरात, मुंबई, बेंगलोर या ठिकाणी पाठवला जातो. मात्र सध्या अद्रकला मागणी नसल्यामुळे अद्रकचे दर कोसळले आहेत. 50 ते 60 टक्क्यांनी दर घसरल्याने शेतकऱ्यांचा खर्चही निघत नसून शेतकरी संकटात आहे.