Farmer Success Story: तरुण शेतकऱ्याने केली 900 झाडांची लागवड, पालटलं नशीब, वर्षाला लाखात कमाई, Video
- Reported by:Ravi Shivaji Shikare
- Published by:Mohan Najan
Last Updated:
शेतकरी शेतात नेहमीच नवनवीन प्रयोग करत असतात. तरुण शेतकरी गणेश गोलवाल यांनी देखील एक असाच प्रयोग केला आहे.
छत्रपती संभाजीनगर : शेतकरी शेतात नेहमीच नवनवीन प्रयोग करत असतात. छत्रपती संभाजीनगर तालुक्यातील हसनाबादवाडी येथील तरुण शेतकरी गणेश गोलवाल यांनी 9 वर्षांपूर्वी 4 एकरमध्ये मोसंबीची लागवड केली आहे. सध्या त्यांच्या शेतात 900 झाडे आहेत. गतवर्षी 3.60 लाख रुपयांचे उत्पन्न त्यांना मिळाले होते. आता देखील जवळपास 25 टन मोसंबी निघेल आणि यातून 4 ते 5 लाख रुपयांचे उत्पन्न मिळेल असे गोलवाल यांनी लोकल 18 शी बोलताना सांगितले आहे.
गोलवाल यांनी त्यांच्या शेतातील मोसंबीवर वाढत्या प्रादुर्भावामुळे 4 एकर क्षेत्रात बारा बाय बारा फुटावर मोसंबी या फळाची लागवड केलेली आहे. तसेच या शेतीतून मोसंबीचे चांगले उत्पादन मिळावे म्हणून ते शेणखताचा वापर करतात. फळाची गळती सुरू झाल्यास शेतीची मशागत कमी करायची, मशागत जास्त प्रमाणात केली तर काही प्रमाणात फळाची गळ होते. गतवर्षीच्या तुलनेत यंदा फळ दर्जेदार आल्याने चांगला भाव मिळेल आणि यातून समाधानकारक उत्पन्न मिळणार असल्याचे देखील त्यांनी म्हटले आहे.
advertisement
मोसंबी फळावर पाहिले तर जास्त प्रमाणात कोळी या रोगाचा प्रादुर्भाव होतो. या कोळी रोगापासून फळाचा बचाव करण्यासाठी कीटकनाशक तसेच बुरशीनाशक वापरावे लागते. नवीन शेतकऱ्यांना मोसंबी शेती करायची असल्यास सर्वप्रथम मोसंबी शेतीची संपूर्ण माहिती घ्यायची. त्याबरोबरच चांगले रोप निवडणे देखील हे गरजेचे आहे. क्षेत्रानुसार आणि पाण्याचे नियोजन करून लागवड करावी असा सल्ला देण्यात आला आहे.
advertisement
गोलवाल यांच्याकडे 16 वर्षांपूर्वीचे काही झाडे आहेत, त्या झाडांची निवड करून आणि त्याचा अभ्यास करून घरीच कलम तयार करण्यास सुरुवात केली. सध्या त्यांच्या शेतात लागवड केलेल्या मोसंबीच्या झाडांची रोपे देखील त्यांनीच तयार केले असल्याचे सांगितले आहे.
Location :
Aurangabad [Aurangabad],Aurangabad,Maharashtra
First Published :
Aug 29, 2025 3:17 PM IST
मराठी बातम्या/कृषी/
Farmer Success Story: तरुण शेतकऱ्याने केली 900 झाडांची लागवड, पालटलं नशीब, वर्षाला लाखात कमाई, Video







