Farmer Success Story: फिरण्यासाठी गेले, नजरेस पडली ड्रॅगन फ्रूटची शेती, शेतकरी आता कमतोय 10 लाखांचं निव्वळ उत्पन्न, Video

कोल्हापूर-सोलापूर भागामध्ये फिरण्यासाठी गेल्यानंतर डिखुळे यांच्या नजरेस ड्रॅगन फ्रूटचा बगीचा पडला. आता म्हणून त्यांनी या बागेची माहिती मिळवली. काहीतरी नवीन करायचं म्हणून 2019 मध्ये आपल्या एक एकर शेतात अकरा बाय आठ अंतरावर ड्रॅगन फ्रूटची लागवड केली. रोपांची लागवड करण्याआधी यासाठी आवश्यक असलेले स्ट्रक्चर उभे केले. स्ट्रक्चर उभे करण्यासाठी त्यांना साडेतीन लाख रुपये खर्च आला.

अवघ्या 13 महिन्यामध्ये त्यांना उत्पादन मिळण्यास सुरुवात झाली. पहिल्या वर्षी दोन ते तीन क्विंटल उत्पादन मिळाले. त्यानंतर दुसऱ्या वर्षी तीन ते चार क्विंटलपर्यंत उत्पादन मिळाले. हळूहळू उत्पादन वाढत गेले. 2023 मध्ये त्यांना तब्बल 43 क्विंटल उत्पादन मिळाले. यातून त्यांचे 5 लाख रुपये निव्वळ उत्पन्न झाले.

2024 मध्ये एका एकरात तब्बल 83 क्विंटल विक्रमी उत्पादन त्यांनी आपल्या एक एकर शेतात मिळवले. त्यामधून त्यांना 8 ते 10 लाख रुपये मिळाले. देखील त्यांच्या शेतातील झाडांवर बहरदार ड्रॅगन फ्रूट लगडले असून 100 क्विंटलपर्यंत उत्पादनाची अपेक्षा विठ्ठल डिखुळे यांनी व्यक्त केली आहे.

म्हणजे बाजारात थेट विक्री न करता ते रस्त्याच्या कडेला स्टॉल लावून या ड्रॅगन फ्रूटची शंभर ते दीडशे रुपये प्रति किलो या दरम्यान विक्री करतात. यामुळे उत्पादनात दुपटीने वाढ झाल्याचे डिखुळे आवर्जून नमूद करतात. शेतीमध्ये पिकवण्याबरोबरच ते विकण्याचे व्यवस्थापन जमले तर शेतकरी आर्थिकदृष्ट्या समृद्ध होऊ शकतो हेच डिखुळे यांनी सिद्ध करून दाखवले.