4 एकर क्षेत्रातून मिळणार 10 लाखांपर्यंतचं उत्पन्न, सोलापूरच्या शेतकऱ्यानं नेमकी कोणत्या पिकाची लागवड केली?

सोलापूर - शेतीमधून भरघोस उत्पन्न कसे मिळवता येईल, यासाठी प्रत्येक शेतकरी प्रयत्नशील असतो. चांगले उत्पन्न मिळवण्यासाठी शेतकरी प्रचंड मेहनत करत असतो. अशाच एका शेतकऱ्याने आपल्या मेहनतीने काकडीची लागवड करुन तब्बल 40 दिवसात 1 लाख 50 हजार रुपये उत्पन्न मिळवले आहे. असाच दर राहिला तर त्यांनी 10 लाख रुपयांपर्यंत उत्पन्न मिळेल अशी अपेक्षा व्यक्त केली आहे. याचबाबत लोकल18 चा हा स्पेशल रिपोर्ट.

गंगाधर काशिनाथ म्हमाणे असे या शेतकऱ्याचे नाव आहे. ते सोलापूर जिल्ह्यातील मोहोळ तालुक्यातील कुरुल या गावातील रहिवासी आहे. गंगाधर म्हमाणे यांनी 4 एकर क्षेत्रामध्ये बेल्ली नाव असलेली काकडीची लागवड केली आहे. काकडीची लागवड 42 दिवसानंतर झाली असून आतापर्यंत दोन तोडणी या काकडीचे झाले आहे. या काकडी लागवडीला दीड लाख रुपयेपर्यंत खर्च आला असून पहिल्या तोडणीमध्ये काकडी लागवडीचा खर्च निघाला आहे, अशी माहिती त्यांनी दिली.