Lemon Rate: पिवळ्या लिंबाला सोन्याचं मोल, चिकनपेक्षा महागलेत दर, पुण्यात किती मिळतोय भाव?

उन्हाळ्यामुळे लिंबूचा वापर घरगुती तसेच व्यावसायिक ठिकाणी मोठ्या प्रमाणावर होत आहे. मागणी वाढली असली तरी पुरवठा मात्र कमी झाल्याने दर झपाट्याने वाढत आहेत. सध्या चिकनपेक्षा लिंबू महाग मिळत आहे. 1 किलो लिंबूचे दर 140 ते 160 रुपयांपर्यंत पोहोचले आहेत. घाऊक बाजारात गोणीचे दरही 2500 ते 3000 रुपयांच्या घरात पोहोचले आहेत.

लिंबाचा मुख्य पुरवठा विजापूर, कर्नाटक आणि हैदराबाद येथून होतो. परंतु यंदा गावरान लिंबू बाजारात फारच कमी प्रमाणात उपलब्ध आहे. उन्हाच्या वाढत्या तीव्रतेमुळे उत्पादनावर परिणाम झाल्याने पुरवठा घटला आहे, याचा थेट परिणाम दरांवर झाला आहे. त्यामुळे लिंबू सध्या गवार, वांगी, मटार आणि इतर भाज्यांपेक्षाही महाग झाले आहे.