Youtube वरून घेतली माहिती, घरातच सुरू केला केशर शेतीचा प्रयोग, महिलेची लाखोंची कमाई

ज्योती यांनी एमए बीएडमधून शिक्षण पूर्ण केले आहे. त्याआधारित नोकरी देखील मिळवण्याचा प्रयत्न केला. परंतु कालांतराने आणि काही अडचणींमुळे त्यांना नोकरी करता जमले नाही. तरी देखील त्या शांत बसल्या नाहीत. काही ना काही घरी बसून करतच राहिल्या. ब्युटी पार्लर देखील त्यांनी सुरू केले. आणि काहीच काळात कोरोनामुळे त्यांच्या हा उद्योग त्यांना बंद करावा लागला. ज्योती यांना लहानपणापासूनच झाडे लावण्याची आवड असल्याने त्या घरात वेगवेगळे झाडांचे रोप लावत असतं. या माध्यमातून त्यांनी मशरूम देखील घरात उगवून ते विक्री करण्यास सुरुवात केली असल्याचे त्यांनी सांगितले.