Gajendra Reda: BMW पेक्षा महाग रेडा, गजेंद्रची किंमत ऐकून डोकं फिरल, खुराक अन् कमाई तर बघूच नका!

मुरा जातीचा असणाऱ्या गजेंद्र रेड्याला चार दिवसांचा असताना 1 लाखाची मागणी होती. तसेच हरियाणातील प्रसिद्ध उत्पादकांनी काही वर्षांपूर्वी तब्बल दीड कोटीला मागितला होता. मात्र, "गजेंद्रला आम्ही विकणार नाही. त्यानं आमचं नशिब चमकवलय. त्याच्यामुळेच आम्हाला धन-दौलत अन् देशभर मान मिळतोय," असे रेडा मालक कृतज्ञतेने सांगतात.

विलास नाईक यांनी दिलेल्या माहितीनुसार; काही वर्षांपूर्वी विलास नाईक यांचे वडील गणपती नाईक यांनी हरियाणावरून दीड लाखांची हरियाणा मुरा म्हैस विकत आणली होती. त्या म्हैशीपासून त्यांना हा गजेंद्र रेडा मिळाला. अत्यंत जातीवंत मुरा वंशातील असल्याने चार दिवसांचा असतानाच या रेड्याला एक लाखाची मागणी झाली होती. परंतु हौशी पशुपालक गणपती नाईक यांनी रेडा सांभाळायचे ठरवले. त्यांच्या या निर्णयाने त्यांचे नशीब पालटले.

दीड टन वजनाच्या रेड्याला रोज 15 लिटर म्हैशीचे दूध, 3 किलो सफरचंद, 3 किलो आटा आणि 4 किलो पेंड खाद्य घालतात. यासह त्याला रोज लागणारा ऊस, मका, गवत असा चारा देखील वेगळा असल्याचे रेडा मालक ज्ञानेश्वर विलास नाईक सांगतात.