Pune: 'कबुतरासाठी बैठका, 56 जणांचा जीव घेणाऱ्या बिबट्यासाठी सरकारकडे वेळ नाही' 12 तासांनंतरही मंचरकर आंदोलनावर ठाम

पुणे :  पुण्यातील ग्रामीण भागात मागील काही वर्षांपासून बिबट्याने केलेल्या हल्ल्यांमुळे अखेरीस लोकांचा संयम सुटला आहे. पुण्यातील शिरुर भागात नरभक्ष्यक बिबट्याने  गेल्या २० दिवसात हल्ले करून ३ जणांचा जीव घेतला.  डोळ्या देखत लेकरांना ओढून नेणाऱ्या बिबट्याची प्रचंड दहशत या परिसरात आहेत. आम्हाला वाचवा म्हणत पिंपरखेडच्या गावकऱ्यांनी आंदोलन पुकारलं आहे.  पुणे जिल्ह्यातील वाढत्या बिबट समस्येच्या विरोधात गेल्या १२ तासांपासून मंचर येथे सुरू असलेले पुणे नाशिक महामार्गावरील रास्ता रोको आंदोलन अद्यापही मिटलेलं नाही. आंदोलकांनी याठिकाणी आता चक्क पुणे नाशिक महामार्गावरच जेवणाच्या पंगती धरलेल्या पाहायला मिळत आहेत. 

शिरुर आणि जुन्नर हा उसपट्टा आहे. त्यामुळं या भागात बिबट्याची संख्या प्रचंड प्रमाणात वाढली आहे. त्यातूनच बिबट्या आणि मानव संघर्ष वारंवार होतोय. बिबट्याच्या माणसांवरील वाढत्या हल्ल्यामुळे ग्रामस्थ भयभीत झाले आहेत. बिबट्या आणि मानव संघर्ष या भागात नवा नाही. शिकारीच्या शोधात बिबटे मानवी वस्तीत येतात. भटकी कुत्री आणि गोठ्यातील जनावरं बिबट्यांची शिकार बनतात. पण माणसांवरील हल्ल्यामुळे परिस्थिती गंभीर बनली आहे.

पालकमंत्री म्हणून अजित दादानी लक्ष घातले पाहिजे.  नरभक्षण बिबट्याला शूट केले पाहिजे आणि बिबट्याची नसबंदी केली पाहिजे नसबंदी बरोबर राज्य आपत्ती घोषित करण्यात यावी. तरच उपाययोजना होईल. दुर्दैवाने, अधिकारी यांनी वनमंत्र्यांना माहिती देत नाही म्हणून वनमंत्र्यांनी सांगितलं की, जुन्नरचे बिबटे आमच्या जिल्ह्यात सोडले आहे. वनमंत्र्यांनी इथं यावे ग्रामस्थांचं म्हणणं ऐकून घ्यावं जेणेकरून त्यांचे अधिकारी त्यांना जे काही माहिती देतात त्याची खरी वस्तुस्थिती काय आहे ती त्यांना समजेल, अशी मागणीही त्यांनी केली.