कांदा द्राक्षाचा नाद सोडला! एक एकरात ४००० रोपं लावली, २५ टन उत्पादन, नाशिकचा शेतकरी झाला 'लखपती'

नाशिक : पारंपरिक शेतीतून अपेक्षित उत्पन्न मिळत नसल्याने अनेक शेतकरी आता नवीन प्रयोगांकडे वळताना दिसत आहेत. अशाच प्रयोगशील वृत्तीचा आदर्श कळवण तालुक्यातील नवी बेज येथील माजी सैनिक आणि प्रगतिशील शेतकरी शांताराम काशिराम पवार यांनी घालून दिला आहे. वडिलोपार्जित शेतजमिनीत पारंपरिक पिकांना बाजूला ठेवत त्यांनी सेंद्रिय आणि जैविक शेतीच्या माध्यमातून ‘तायवान पिंक’ या सदाबहार पेरू जातीची फळबाग उभारली आहे. विशेष म्हणजे लागवडीनंतर अवघ्या एका वर्षातच या बागेतून उत्पादन सुरू झाले असून कमी खर्चात चांगले उत्पन्न मिळविण्यात ते यशस्वी ठरले आहेत.