Soyabean Subsidy : आधीच सोयाबीनला कमी भाव त्यातही अनुदान रखडलं, पोर्टलच्या समस्येने शेतकरी हैराण

लातूर : सोयाबीनचे दिवसेंदिवस कमी होणारे उत्पादन याचा विचार करून राज्य सरकारने अर्थसंकल्पामध्ये सोयाबीन उत्पादक शेतकऱ्यांना हेक्टरी 5000 रुपये अनुदान देण्याचा निर्णय घेतला आहे. महाराष्ट्र विधानसभा निवडणुकीच्या आधी सप्टेंबर महिन्याची शेवटच्या आठवड्यात अनुदानासाठी अर्ज प्रक्रिया सुरू झाली. मात्र राज्यातील अनेक सोयाबीन उत्पादक शेतकऱ्यांची माहिती चुकीची भरल्यामुळे अनुदान रखडले आहे. पुढे जाऊन चुकलेली माहिती एडिट करण्यासाठी पोर्टलवर ऑप्शन उपलब्ध झाला. परंतु तरी सुद्धा माहिती दुरुस्त होत नव्हती. या तांत्रिक अडचणीचा फटका मात्र शेतकऱ्यांना बसत आहे. अनेक शेतकऱ्यांचे अनुदान प्रलंबित आहे.