फक्त ४८ तासांचा अल्टिमेटम! शासनाचा कडक इशारा, या शेतकऱ्यांना अनुदानाचे पैसे परत करावे लागणार

छत्रपती संभाजीनगर : फुलंब्री तालुक्यातील बोधेगाव बुद्रुक येथे नैसर्गिक आपत्ती अनुदानाच्या वितरणात मोठा गोंधळ समोर आला आहे. २०२२ मध्ये झालेल्या नैसर्गिक आपत्तीमुळे नुकसान झालेल्या शेतकऱ्यांना शासनाकडून देण्यात आलेल्या मदतीच्या रकमेत तांत्रिक त्रुटीमुळे तब्बल ८९ शेतकऱ्यांच्या बँक खात्यावर अनुदानाची रक्कम दुबार जमा झाल्याचे उघड झाले आहे. या प्रकरणामुळे महसूल प्रशासनात खळबळ उडाली असून संबंधित शेतकऱ्यांना अतिरिक्त रक्कम परत करण्याचे आदेश देण्यात आले आहेत.