..तर अतिवृष्टीग्रस्त शेतकऱ्यांचे नाव लाभार्थी यादीत येणार नाही, शासनाची अट काय?

छत्रपती संभाजीनगर : सप्टेंबर महिन्यात झालेल्या अतिवृष्टीमुळे छत्रपती संभाजीनगर जिल्ह्यातील तब्बल ६ लाख ८५ हजार शेतकऱ्यांचे मोठे नुकसान झाले. या शेतकऱ्यांना दिलासा देण्यासाठी राज्य शासनाने ५६० कोटी रुपयांचे अनुदान मंजूर केले आहे. हे अनुदान नोव्हेंबरच्या पहिल्या आठवड्यात थेट शेतकऱ्यांच्या बँक खात्यात जमा होणार आहे. मात्र, ज्या शेतकऱ्यांकडे फार्मर आयडी (Farmer ID) नाही, त्यांना अनुदान मिळण्यासाठी आणखी प्रतीक्षा करावी लागणार आहे.