शेतकऱ्यांसह नागरिकांसाठी मोठी बातमी! भारत-अमेरिका मुक्त व्यापार करारातून ट्रम्प यांचं एक पाऊल मागे, घेतला महत्वाचा निर्णय

पूर्वीच्या फॅक्टशीटनुसार, भारत अमेरिकन औद्योगिक वस्तूंवरील तसेच अन्न व कृषी उत्पादनांवरील शुल्क कमी करेल किंवा काढून टाकेल, असे नमूद करण्यात आले होते. यात डीडीजी (ड्राय डिस्टिलर ग्रेन), लाल ज्वारी, ड्रायफ्रुट्स, ताजी व प्रक्रिया केलेली फळे, काही डाळी, सोयाबीन तेल, वाइन आणि स्पिरिट्स यांचा समावेश होता. मात्र सुधारित दस्तऐवजात डाळींचा कोणताही उल्लेख आढळत नाही. कृषी क्षेत्राशी संबंधित हा बदल भारतातील शेतकरी व कृषी बाजारासाठी महत्त्वाचा मानला जात आहे.

दुसरा महत्त्वाचा बदल म्हणजे भारताच्या प्रस्तावित खरेदीबाबत वापरलेल्या शब्दांमध्ये करण्यात आलेला फेरफार. आधीच्या दस्तऐवजात भारत अमेरिकेकडून ५०० अब्ज डॉलर्सपेक्षा अधिक किमतीच्या वस्तू खरेदी करण्यास ‘वचनबद्ध’ (committed) असल्याचे नमूद होते. यात ऊर्जा, माहिती व संप्रेषण तंत्रज्ञान (ICT), कृषी उत्पादने, कोळसा आणि इतर वस्तूंचा समावेश असल्याचे स्पष्ट केले होते.

शब्दांतील हा बदल केवळ भाषिक नसून धोरणात्मक असल्याचे जाणकारांचे मत आहे. ‘वचनबद्ध’ या शब्दामुळे कायदेशीर किंवा राजनैतिक बंधनाची छटा दिसत होती, तर ‘इरादा’ हा शब्द अधिक लवचिक आणि परिस्थितीनुसार बदलता येणारा मानला जातो. त्यामुळे करार अंतिम होण्यापूर्वी दोन्ही देशांमध्ये अटींचे पुनरावलोकन सुरू असल्याचे संकेत मिळत आहेत.