Poultry Manure: शेतकऱ्यांनो, रासायनिक खता पेक्षा भारीच, शेतात कोंबडी खत वापरण्याचे फायदे माहितीये का?

पुढे ते सांगतात की, कोंबडीच्या खतामध्ये द्रव आणि घनस्वरूपातील पदार्थ एकरूप साठलेले असल्यामुळे कोंबडीच्या खताचा नाश होत नाही. म्हणून हे एक उत्तम सेंद्रिय खत आहे. त्यामध्ये नत्र, स्फुरद, पालाश, कॅल्शियम, मॅग्नेशियम, सल्फर, सोडियम, फेरस, मंगल, मॉलिब्डेनम, बोरान, झिंक, कॉपर हे सर्व घटक आढळून येतात. त्यामुळे शेतातील पिके लवकर वाढ घेतात. उत्पादनात काहीशी वाढ होते. त्याचबरोबर पिकांवर किडींचा प्रादुर्भाव फार कमी होतो, असेही ते सांगतात.

कोंबडी खत इतर खताच्या तुलनेत किमतीने देखील स्वस्त आहे. 1200 रुपये टन अशी कोंबडी खताची किंमत आहे. त्यामुळे हे खत गुणकारी असण्याबरोबरच परवडण्यासारखे देखील आहे. पिकांना जमिनीतून हे खत आपण देतो. त्यातून कोणताही बीजप्रसार होत नाही. शेणखत किंवा आणखी काही वापरल्यास शेतात तणाचे प्रमाण वाढते आणि मग खर्चही वाढतो. मात्र, कोंबडी खत वापरल्यास अशी कोणतीही समस्या उद्भवत नाही. कोंबडी खत हे अंडी देणाऱ्या कोंबडीचे असल्यास त्याचा फायदा शेतीला जास्त होतो. त्यामुळे शक्यतोवर शेतकऱ्यांनी शेतात अंडी देणाऱ्या कोंबडीचे खत वापरण्याचा प्रयत्न करावा, असेही त्यांनी सांगितले.