ट्रेम V मानकांनुसार ५० एचपीपेक्षा कमी क्षमतेचे ट्रॅक्टरदेखील आता प्रगत इलेक्ट्रॉनिक नियंत्रण प्रणालींनी सुसज्ज असतील. हे नियम आधीपेक्षा अधिक कडक असल्याने, ट्रॅक्टर उत्पादक, शेतकरी आणि मेकॅनिक सर्वांना नव्या तंत्रज्ञानाशी जुळवून घेण्यासाठी प्रशिक्षण आवश्यक असणार आहे.
शेतकऱ्यांना कोणत्या गोष्टीची काळजी घ्यावी लागणार?
DPF रीजनरेशन प्रक्रिया
ट्रॅक्टरच्या डॅशबोर्डवर ‘DPF फुल’ असा अलर्ट आल्यास चालकाने ट्रॅक्टर सुरक्षित ठिकाणी उभे करून फिल्टरमधील काजळी जाळण्याची प्रक्रिया सुरू करावी लागते. ही प्रक्रिया वेळेवर न केल्यास इंजिनचे गंभीर नुकसान होऊ शकते.
advertisement
DEF (AdBlue) चा वापर
SCR सिस्टममध्ये असलेल्या ट्रॅक्टरमध्ये डिझेलसोबत युरिया-आधारित द्रव (AdBlue) वापरावे लागते. ते वेळेवर आणि योग्य प्रमाणात भरणं आवश्यक असतात. चुकीचा किंवा कमी दर्जाचा द्रव वापरल्यास इंजिनची शक्ती कमी होते आणि कार्यक्षमता घटते.
डॅशबोर्डवरील अलर्टवर लक्षं ठेवणे
नव्या ट्रॅक्टरमध्ये ‘चेक इंजिन’, ‘हाय NOx’ आणि ‘DPF’ असे विविध अलर्ट देणारी सिस्टम असणार आहे . प्रत्येकाचा अर्थ आणि त्यावर तात्काळ कोणती कारवाई करावी हे समजून घेणे आवश्यक ठरणार आहे.
प्रमाणित इंधनाचा वापर
तसेच सरकारमान्य अल्ट्रा-लो सल्फर डिझेलचाच वापर करणे बंधनकारक असेल. भेसळयुक्त डिझेलमुळे इलेक्ट्रॉनिक सेन्सर खराब होऊ शकतात.
अचूक शेतीसाठी आधुनिक तंत्रज्ञान
प्रिसिजन अॅग्रिकल्चर किंवा अचूक शेती ही भविष्यातील दिशा ठरत आहे. यामध्ये GPS आणि ऑटो गाइडन्स प्रणालीद्वारे ट्रॅक्टर आपोआप सरळ चालतात, ज्यामुळे खते, पाणी आणि कीटकनाशकांचा अचूक वापर होतो. महिंद्राचे DigiSense, जॉन डिअरचे JD Link आणि न्यू हॉलंडचे SkyWatch या प्रणालींनी शेतकऱ्यांना रिअल-टाइम माहिती उपलब्ध करून दिली आहे.
दरम्यान, आगामी काळात इलेक्ट्रिक आणि स्वयंचलित (ऑटोनॉमस) ट्रॅक्टर भारतातही दिसतील. हे ट्रॅक्टर शून्य उत्सर्जन करतील आणि मानवी श्रमाची गरज कमी करतील.