TRENDING:
मेष
सूर्याचे हे गोचर तुमच्या दहाव्या स्थानी होणार आहे. नोकरीत बढती आणि पगारवाढीचे प्रबळ योग आहेत. समाजात तुमचा मान-सन्मान वाढेल आणि वडिलांकडून आर्थिक लाभ मिळण्याची शक्यता आहे. नवीन व्यवसाय सुरू करण्यासाठी हा काळ सर्वोत्तम आहे.
वृषभ
सूर्य तुमच्या नवव्या स्थानी प्रवेश करेल. गेल्या अनेक दिवसांपासून रखडलेली कामे नशिबाच्या जोरावर पूर्ण होतील. परदेश प्रवासाचे योग येतील आणि धार्मिक कार्यात तुमची रुची वाढेल.
advertisement
सिंह
तुमचा राशीस्वामी सूर्य सहाव्या स्थानी प्रवेश करणार आहे. यामुळे तुम्हाला शत्रूंवर विजय मिळेल. जुन्या आजारांपासून सुटका होईल आणि स्पर्धा परीक्षांची तयारी करणाऱ्या विद्यार्थ्यांना मोठे यश प्राप्त होईल.
वृश्चिक
तिसऱ्या स्थानी होणारे सूर्याचे गोचर तुमचा आत्मविश्वास प्रचंड वाढवेल. भावंडांचे सहकार्य मिळेल आणि तुमच्या पराक्रमामुळे कामाच्या ठिकाणी तुमची एक वेगळी ओळख निर्माण होईल.
'या' राशींनी राहावे अत्यंत सावध
कर्क
सूर्याचे गोचर तुमच्या सातव्या स्थानी होणार आहे. यामुळे वैवाहिक जीवनात तणाव निर्माण होऊ शकतो. जोडीदारासोबत बोलताना संयम पाळा. भागीदारीच्या व्यवसायात फसवणूक होण्याची शक्यता असल्याने सावध राहा.
कुंभ
सूर्य तुमच्या बाराव्या स्थानी प्रवेश करेल. यामुळे अनावश्यक खर्चात प्रचंड वाढ होईल. डोळ्यांच्या किंवा आरोग्याच्या तक्रारी जाणवू शकतात. या काळात कोर्ट-कचेरीच्या कामांपासून दूर राहणेच हिताचे ठरेल.
मीन
अकराव्या स्थानी सूर्य असला तरी शनीच्या प्रभावामुळे तुम्हाला पैशांच्या बाबतीत खूप काळजी घ्यावी लागेल. कोणालाही मोठे कर्ज देऊ नका, अन्यथा ते परत मिळणे कठीण होईल.
टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)