उद्या होलाष्टकचा दुसरा दिवस! मेष राशीवर होणार मोठा परिणाम, हेल्थपासून फायनान्सपर्यंत ज्योतिषचार्यांनी सर्वच सांगितलं

मेष राशीवर होणारे मुख्य परिणाम

स्वभाव आणि मानसिक स्थिती

मंगळ आणि राहूच्या प्रभावामुळे मेष राशीच्या लोकांमध्ये चिडचिड आणि राग वाढण्याची शक्यता आहे. छोट्या छोट्या गोष्टींवरून तुमचा संयम सुटू शकतो. मानसिक तणावामुळे तुम्ही घाईघाईत चुकीचे निर्णय घेऊ शकता. अशावेळेस योगा आणि ध्यानाचा आधार घ्या आणि तुमच्या बोलण्यावर नियंत्रण ठेवा, अन्यथा विनाकारण वाद ओढवून घ्याल. ज्याचा परिणाम तुमचा नात्यांवर होऊ शकतो.

advertisement

नातेसंबंध

उद्यापासून तुमच्या संवाद शैलीत एक प्रकारचा कडवटपणा येऊ शकतो, ज्याचा परिणाम तुमच्या जवळच्या व्यक्तींवर होईल. जोडीदारासोबत वैचारिक मतभेद तीव्र होण्याची शक्यता आहे. मित्रांशी असलेले संबंधही तणावाचे होऊ शकतात. जोडीदाराचे ऐकून घेण्याचा प्रयत्न करा. वादाचे मुद्दे शांततेत सोडवा. या काळात वादापासून दूर राहण्याचा प्रयत्न करा आणि जोडीदाराला समजून घ्या. बोलण्यावर नियंत्रण ठेवा अन्यथा त्याचे परिणाम तुमच्या नात्यावर होईल.

कौटुंबिक परिणाम

कुटुंबात मालमत्ता किंवा पैशांच्या विषयावरून वादाची ठिणगी पडू शकते. भावंडांशी असलेले संबंध बिघडू शकतात. घरातील मोठ्या व्यक्तींच्या आरोग्याबद्दल काळजी वाटू शकते. घरातील अंतर्गत गोष्टी बाहेरच्या लोकांशी शेअर करू नका. या काळात कौटुंबिक गोष्टींवर अधिक लक्ष द्या. घरातील व्यक्तींसह नाते वादामुळे दुरावली जाणार नाहीत याची काळजी घ्या आणि संयम बाळगा.

आरोग्य

होलाष्टकाच्या काळात मेष राशीच्या लोकांनी आरोग्याबाबत गाफील राहू नये. या 8 दिवसांत ग्रहांची स्थिती उग्र असल्याने त्याचा परिणाम तुमच्या आरोग्यावर होईल त्यामुळे या काळात आरोग्याकडे दुर्लक्ष करू नका. उष्णतेचे विकार, डोकेदुखी किंवा रक्तदाबाचा त्रास जाणवू शकतो. अपघाताची भीती असल्याने वाहन सावधगिरीने चालवावे. आहारात पाण्याचे प्रमाण वाढवा. बाहेरचे तेलकट पदार्थ खाणे टाळा.

आर्थिक

आर्थिक आघाडीवर उद्याचा दिवस 'सावध' राहण्याचा आहे. गुंतवणुकीत फसवणूक होण्याचे योग आहेत. जमिनीच्या व्यवहारात कागदपत्रांची नीट तपासणी न केल्यास नुकसान होऊ शकते. कोणालाही मोठे कर्ज देऊ नका. नवीन व्यवसायाची सुरुवात किंवा मोठी खरेदी होळीपर्यंत पुढे ढकला. या काळात मोठं आर्थिक नुकसान होऊ शकते त्यामुळे कोणतेही व्यवहार करताना विचार करूनच व्यवहार करा.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)