BSA ची नवीन Bantam 350 ही कंपनीची आतापर्यंतची सर्वात स्वस्त बाईक आहे. त्याची सुरुवातीची किंमत सुमारे 4.07 लाख रुपये (यूकेमध्ये 3,499 पौंड) आहे. ही बाईक जुन्या काळातील प्रसिद्ध टू-स्ट्रोक Bantam चा एक नवीन आणि आधुनिक अवतार आहे. या बाइकचं इंजिन भारतात विकल्या जाणाऱ्या Jawa 42 मध्ये आढळणाऱ्या इंजिनसारखेच आहे. 334cc लिक्विड कूल्ड सिंगल-सिलेंडर इंजिन 29.17PS पॉवर आणि 29.62Nm टॉर्क निर्माण करते. पण, Bantam ही Jawa ची कॉपी नाही. या बाइकमध्ये अनेक बदल करण्यात आले आहेत.
advertisement
एक खास काळा सिंगल एक्झॉस्ट पाईप, १३ लिटरचा मोठा इंधन टाकी आणि ८०० मिमी सीटची उंची आहे, त्यात महत्त्वाचे बदल आहेत. या बाइकचं वजन १८४ किलो आहे. बाईकचा लूक देखील खूप स्वच्छ आणि रोडस्टरसारखा आहे. गोल एलईडी हेडलाइट, बार-एंड मिरर, अलॉय व्हील्स आणि रोड-फोकस्ड टायर्स तिला आधुनिक लूक देतो.
BSA Scrambler 650 भारतात बनवली असूनही, ही बाईक यूकेमध्ये BSA ब्रँड अंतर्गत विकली जात आहे. कारण BSA चा ब्रिटनमध्ये वारसा आहे. यूकेसारख्या बाजारपेठेत ब्रँडच्या ओळखीसाठी हे महत्वाचं मानलं जातं. आजकाल, लहान इंजिन असलेल्या बाइक्स युरोपमध्ये खूप लोकप्रिय होत आहेत. रॉयल एनफील्ड हंटर ३५० ही तिथे फेमस आहे. Bantam ३५० ची किंमत हंटरपेक्षा सुमारे ४६,००० कमी आहे, ज्यामुळे ती यूके ग्राहकांसाठी आणखी आकर्षक पर्याय बनते.
Scrambler ६५० कुणाशी स्पर्धा?
BSA Scrambler 650 साहस आणि ऑफ-रोडिंगची आवड असलेल्यांसाठी आहे. त्याचे इंजिन कंपनीच्या गोल्ड स्टार बाईकमध्ये वापरल्या जाणाऱ्या इंजिनसारखेच आहे. ६५२ सीसी सिंगल-सिलेंडर इंजिन ४५ पीएस पॉवर आणि ५५ एनएम टॉर्क देते. परंतु त्याचे लूक आणि सेटअपमध्ये बरेच बदल करण्यात आले आहेत. जेणेकरून ते खऱ्या Scrambler बाईकसारखे दिसेल. त्याच्या पुढच्या बाजूला १९-इंच स्पोक व्हील्स आणि मागील बाजूला १७-इंच स्पोक व्हील्स आहेत, जे पिरेली स्कॉर्पियन रॅली एसटीआर टायर्सने फिट आहेत. थोडा जास्त प्रवास देण्यासाठी सस्पेंशन देखील पुन्हा ट्यून केले गेले आहे, जेणेकरून हलके ऑफ-रोड ट्रेल्स सहजपणे ओलांडता येतील.
Scrambler चा व्हीलबेस वाढवण्यात आला आहे आणि त्याची सीट उंची ८२० मिमी पर्यंत वाढवण्यात आली आहे. त्याचे वजन देखील आता २१८ किलो पर्यंत वाढले आहे. त्याचे इन्स्ट्रुमेंट क्लस्टर सिंगल-पॉड डिझाइनमध्ये ठेवण्यात आले आहे, जे सोपे पण उपयुक्त असेल आणि कदाचित मूलभूत कनेक्टिव्हिटी फिचर्स देखील आहे. यूकेमध्ये याची किंमत सुमारे ६.९९ लाख (५९९९ पौंड) आहे, पण, ती डिसेंबर २०२५ पर्यंत भारतात येऊ शकते आणि त्याची एक्स-शोरूम किंमत ३.४ लाख रुपये असण्याची अपेक्षा आहे. जर असं झालं तर ही बाईक भारतात रॉयल एनफील्ड बेअर ६५० ला थेट टक्कर देईल.