फोर्ड कंपनीकडून यावेळी टाटांची थट्टा करताना म्हटलं गेलं होतं की, "प्रवासी कारची माहिती नव्हती तर प्रवासी गाड्यांचा विभाग का सुरू केलात? तुमचा हा बिझनेस आम्ही खरेदी करणं हे तुमच्यावर उपकारच होतील." टाटांना हे बोलणं मनाला लागलं. पण यावर काहीच न बोलता रतन टाटा परतले.
फोर्डच्या बैठकीनंतर रतन टाटा यांनी पॅसेंजर कार विभाग न विकण्याचा निर्णय घेतला. त्यानंतर त्यांनी भारताच्या ऑटोमोबाइल क्षेत्रात क्रांती घडवली. फोर्डकडून झालेल्या अपमानानंतर दशकभरात टाटा मोटर्सने मोठी झेप घेतली.
advertisement
'मी गेलो तरी कंपनी बंद ठेवू नका, देशाचं नुकसान नको', कर्मचाऱ्यांनी सांगितली रतन टाटांची आठवण
दरम्यान, फोर्ड कंपनीवर दिवाळखोरीची वेळ आली. तर टाटा मोटर्स प्रगतीच्या शिखरावर होते. यावेळी फोड्र कंपनीचा एक ब्रँड खरेदी करण्याचा प्रस्ताव टाटा समुहाने दिला. यावेळी रतन टाटा आणि फोर्ड यांच्यात बैठक झाली. टाटांनी जग्वार आणि लँड रोव्हर खरेदी केली. तेव्हा फोर्ड यांनी टाटांना म्हटलं की, जग्वार आणि लँड रोव्हर खरेदी करून तुम्ही आमच्यावर उपकार करत आहात.
स्कूटरवरून नॅनोची प्रेरणा
सर्वसामान्यांना परडवणारी अशी सर्वात स्वस्त कार नॅनो ही टाटा मोटर्सने बाजारात आणली. रतन टाटा यांना नॅनो कारचे शिल्पकार म्हटलं जातं. दुचाकी वापरणाऱ्या भारतीय कुटुंबाला परडवणारी कार बनवण्यासाठी त्यांनी नॅनोची निर्मिती केल्याचं सांगितलं होतं. रतन टाटांनी एका इन्स्टा पोस्टमध्ये म्हटलं होतं की, भारतातील कुटुंबं स्कुटरवरून जाताना नेहमी बघत आलो. आई-बाबा आणि त्यांची मुलं अशी गाडीवरून फिरायची. ते पाहूनच मला कुटुंबासाठी आणि परडवणारी अशी कार निर्माण करण्याची इच्छा झाली.