Suzuki Avenis 125 आता नवीन मेटॅलिक मॅट प्लॅटिनम सिल्व्हर नंबर २ आणि ग्लास स्पार्कल ब्लॅक रंगामध्ये उपलब्ध असणार आहे. Suzuki Avenis 125 चा हा शेड सध्याच्या कलर ऑप्शनमध्ये सामील झाला आहे. ज्यामध्ये पर्ल ग्लेशियर व्हाइटसह ग्लॉसी स्पार्कल ब्लॅक, पर्ल मीरा रेडसह ग्लॉसी स्पार्कल ब्लॅक आणि ग्लॉसी स्पार्कल ब्लॅक यांचा समावेश आहे.
advertisement
इंजिन तेच!
Suzuki Avenis 125 मध्ये कलर ऑप्शन व्यतिरिक्त फार असे कोणतेही बदल केले नाही. Suzuki Avenis 125 मध्ये १२४.३ सीसी, एअर-कूल्ड, सिंगल-सिलेंडर इंजिन आहे जे BS6 OBD-2B मानकांचे पालन करते. हे इंजिन ६७५० आरपीएमवर ८.७ एचपी आणि ५५०० आरपीएमवर १० एनएमचा पीक टॉर्क जनरेट करतो. १२५ सीसी इंजिन सुझुकी इको परफॉर्मन्स (एसईपी) तंत्रज्ञानासह येते जे चांगले परफॉर्मन्ससाठी ओळखले जाते.
किंमत किती?
Suzuki Avenis 125 मध्ये टेलिस्कोपिक फ्रंट सस्पेंशन, कम्बाइंड ब्रेक सिस्टम (सीबीएस) आणि १२-इंच फ्रंट व्हील आहे. फिचर्सबद्दल बोलायचं झालं तर, Suzuki Avenis 125 मध्ये डिजिटल इन्स्ट्रुमेंट कन्सोल, यूएसबी सॉकेटसह फ्रंट ग्लोव्ह बॉक्स, बाह्य हिंग-प्रकार इंधन कॅप, ब्लूटूथ कनेक्टिव्हिटी, एलईडी हेडलॅम्प आणि टेललॅम्प, एजी ग्राफिक्स, २१.८-लिटर मोठे अंडर-सीट स्टोरेज आणि साइड स्टँड इंटरलॉक सिस्टम आहे. Suzuki Avenis 125 दोन प्रकारांमध्ये उपलब्ध आहे: स्टँडर्ड आणि राइड कनेक्ट. स्टँडर्डची किंमत ९१,४०० रुपये आहे तर राइड कनेक्टची किंमत ९३,२०० रुपये आहे (दोन्ही एक्स-शोरूम).