Thar येईल आता दारात, Mahindra नेही किंमती केल्या कमी; 2.56 लाखांनी SUV झाल्या स्वस्त

महिंद्राने केवळ ग्राहकांना जीएसटी कपात दिली नाही तर बोलेरो, बोलेरो निओ, एक्सयूव्ही३एक्सओ, थार, थार रॉक्स, स्कॉर्पिओ क्लासिक, स्कॉर्पिओ-एन आणि SUV 700 सारख्या फेमस मॉडेल्सवर अतिरिक्त सवलती देखील दिल्या आहेत. एकूणच, या महिंद्राची वाहनं १.५३ लाख ते २.५६ लाख स्वस्त झाली आहेत. बोलेरो निओच्या किंमतीत मोठी कपात झाली आहे.

जीएसटी कपातीचा संपूर्ण फायदा थेट ग्राहकांना मिळणार आहे.. परिणामी, वाहनांच्या एक्स-शोरूम किमती १,००,००० ने कमी होऊन १.५० लाख झाल्या आहेत. महिंद्राची ही घोषणा ग्राहकांसाठी डबल फायदेशीर ठरणार आहे. जीएसटी सुधारणांमुळे एक्स-शोरूम वाहनांच्या किमती कमी झाल्या आहेत, तर कंपनीने अतिरिक्त फायदे देऊन ही बचत आणखी वाढवली आहे. त्यामुळे, महिंद्रा एसयूव्ही खरेदी करणं आता पूर्वीपेक्षा जास्त सोप्प झालं आहे.

advertisement

कोणत्या गाड्यांच्या किंमती झाल्या कमी? 

बोलेरो आणि बोलेरो निओ या SUV वर सर्वात जास्त ऑफर देण्यात आली आहे, जीएसटी किंमत कपात आणि अतिरिक्त फायदे जोडल्यानंतर एकूण फायदा २.५६ लाख रुपयांपर्यंत पोहोचेल. XUV3XO खरेदी करणाऱ्या ग्राहकांना २.४६ लाख रुपयांपर्यंत बचत देखील मिळणार आहे.

थार आणि थार रॉक्स सारख्या लोकप्रिय मॉडेल्सनाही एकूण १.५ लाख रुपयांपेक्षा जास्त फायदे मिळतील. या सणासुदीच्या हंगामात स्कॉर्पिओ क्लासिक आणि स्कॉर्पिओ-एन सारख्या विश्वसनीय मॉडेल्सच्या खरेदीदारांसाठी एक खास भेट आहे. ग्राहकांना स्कॉर्पिओ क्लासिकवर अंदाजे २ लाखांची सूट मिळेल, तर स्कॉर्पिओ-एन खरेदी करणाऱ्यांना २.१६ लाखांपर्यंत बचत करता येईल. XUV७०० सारख्या प्रीमियम SUV वरील एकूण फायदा २.२४ लाखांपर्यंत आहे.

विक्री वाढणार!

सणासुदीच्या काळात, जेव्हा लोक त्यांच्या घरांसाठी नवीन वाहनं खरेदी करण्याचा विचार करत असतात, तेव्हा अशी मोठी घोषणा ग्राहकांसाठी बोनसपेक्षा कमी नाही. ही किंमत कपात आणि अतिरिक्त फायदे ग्राहकांचे बजेट हलके करतीलच, शिवाय त्यांना पैशाचे चांगले मूल्य देखील देतील. कंपनीला आशा आहे की, या सवलतींमुळे विक्री वाढेल.