दरभंगा : बिहारमधील एक तरुण रोजगाराच्या शोधात दिल्ली येथे आला. मात्र, त्याच्या नशिबात काही वेगळेच लिहिले होते. कोरोना काळात आपल्या मित्रांसोबत बसलेला असताना त्याने एक गाणे गायले आणि हे गाणे सोशल मीडियावर व्हायरल झाले. यानंतर हा तरुण आता शिक्षण सोडून दिल्ली येथे आला आणि देश तसेच जगात आपल्या गाण्यांचे कार्यक्रम सादर करत आहे.
advertisement
इन्स्टाग्राम आणि सोशल मीडियावर इतके फॉलोअर्स -
या तरुणाच्या सोशल मीडिया प्लॅटफॉर्म्स बद्दल बोलायचे झाले तर फेसबुकवर 1 लाख 5 हजार आणि इन्स्टाग्रामवर 55 हजार फॉलोअर्स झाले आहेत. हिमांशु असे या तरुणाचे नाव आहे.
लोकल18 शी बोलताना त्याने सांगितले की, तो आयआयटीची तयारी करण्यासाठी दिल्लीला गेला होता. तसेच त्याचे काही मित्रही होते. अशातच लॉकडाऊन लागले आणि अभ्यासही घरूनच होऊ लागला. तसेच तिथे आर्थिक समस्याही जाणवू लागली. त्यामुळे तो घरी परतला आणि घरी येऊन त्याने सर्व मित्रांसोबत लॉकडाऊनवर काही गाणे तयार केले आणि यावर काम सुरू केले.
आईने मुलींच्या लग्नात दिला 11 कोटी 51 लाख रुपयांचा हुंडा, अविश्वसनीय अन् अद्भुत...
गाणे तयार करायला 2020 मध्ये सुरुवात -
हिमांशुने पुढे बोलताना सांगितले की, 2020 मध्ये आम्ही काम सुरू केले होते आणि 2022 मध्ये एक गाणे व्हायरल झाले. ‘मैसेंजर पर मैसेज करबाऊ , दिल के हमर मलकाइन की तू ऑनलाइन रही हें’ हे मैथिली भाषेतील ते गाणे होते. हे गाणे खूप व्हायरल झाले. तेव्हापासून हिमांशू आणि त्याच्या टीमचे नशिबच उजळले.
2 वर्षांपूर्वी झाले लग्न, आता कुत्र्यावरुन नवरा-बायकोमध्ये भांडण, दोघांचं काय म्हणणं?
मैथिली भाषेत हंगामी गाणे गाण्यासाठी हे ओळखले जातात. त्यांची तयारी नेहमी हंगामी गाण्यांवर असते. सोशल मीडियाच्या माध्यमातून अनेक तरुण आता आपले करिअर बनवू लागले आहेत. यासोबतच चांगला नफाही मिळवू लागले आहेत, असेच यावरुन म्हणता येईल.